Gnovis
Preseâts Utents,
us comunichìn che la ARLeF e à trasferide la sô sede in vie “della Prefettura, 13” a Udin. Il nestri numar telefonic al è 0432-555812

Us ringraciìn e us saludìn
ARLeF
lenghe furlane
Il furlan al è une lenghe romanze dal grup ladin fevelade di passe 600.000 di lôr tes provinciis di Gurize, Pordenon e Udin (177 comuns) e te fasse di soreli jevât de provincie di Vignesie (3 comuns). Il furlan al è ricognossût tant che lenghe minoritarie de Union europeane, dal Consei di Europe, dal Stât talian e de Regjon Autonome Friûl Vignesie Julie.
I prins documents in lenghe furlane a son dal XII secul; lis primis lirichis a son, invecit, de seconde metât dal Tresinte. Di chel moment la produzion leterarie par furlan e je incressude simpri di plui, cun risultâts stilistics impuartants, tant che lis poesiis di Pier Paolo Pasolini. La lenghe furlane e ven insegnade tes scuelis dal oblic e te Universitât. E je cetant pandude ancje tai principâi ambits sociâi, sedi modernis (media, musiche, cine, teatri…), sedi tradizionâi (in primis, la Glesie).