Liet International 2011

Al Liet International 2011, davuelt a Udin ai 19 di Novembar, a an partecipât dodis grups, in rapresentance di altretantis minorancis europeanis, vincitôrs di varis concors locâi. Lis diviersis minorancis rapresentadis a son stadis furlan, ladin, frison, basc, asturian, sami, udmurt, gaelic-scozês, karelian, cravuat (dal Burgenland austriac), romanç e irlandês.
I dodis finaliscj, tra i cuai la furlane Priska, a son stâts selezionâts tai mês prin dal festival, daûr di dôs modalitâts diviersis. Cinc di lôr a àn rispuindût a un bant di concors e a son stâts sielts jenfri passe cuarante partecipants, chescj a son:

- Noid, origjinaris di Petroazavodsk/Petroskoi (capitâl de Republiche Autonome di Carelie de Federazion Russe, al confin cu la Finlandie), a cjantin par vepsian, une varietât ugro – finiche che a parten al stes grup linguistic dal finlandês e dal ongjarês;
- Silent Woo Gore, origjinaris de Republiche Autonome di Udmurtie, che si cjate tal setôr centri – ocidentâl de Russie, a cjantin par udmurt;
- Macanta, band che e rive de Scozie e e cjante par gaelic;
- Siroka, famôs grup rock dai Paîs Bascs componût di cuatri elements;
- Aoife Scott, gnece de famose cjantante irlandese Mary Black, origjinarie di Dublin, e cjante par irlandês.

Chei altris siet finaliscj, a àn vinçût i festival musicâi che si son davuelts tai mês prin de manifestazion, e che a àn dât il dirit di acès ae serade finâl dal Liet International. Tal detai si trate di:

- Skama La Rede, vincitôrs dal festival asturian Premiu al Meyor Cantar;
- Rolffa, vincitôrs dal festival Sámi Grand Prix che si davuelç ogni an;
- Janna Eijer, vincidore dal festival frison Liet, che si è davuelt a Ljouwert/Leeuwarden tal 2011;
- Coffeeshock Company, Cuntra Löm e Rezia Ladina, vincitôrs di Suns 2011 davuelt in Svuizare.

La serade finâl dal Liet International 2011, si è sierade cu la premiazion, di bande de jurie internazionâl, de cjantautore frisone Janna Eijer, cul toc 1 Klap.
Vincidôrs dal premi dal public presint in sale e public online, a son stâts i cravuats dal Burgenland, Coffeschock Company.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device