LIET INTERNATIONAL SONG CONTEST

Il Liet International al figure tant che il plui impuartant festival de musiche des lenghis minoritaris, che al prudele di simpri la musiche in diviersis lenghis europeanis, e che al premie gjenars musicai lontans de logjiche comerciâl o semplicementri folcloristics.
Il Liet International al nas tal 2002 in Frisie (Olande) su lis fondis dal festival dedicât ae musiche frisone Liet, daspò di 10 fortunadis edizions, ai ven dade une dimension europeane, cul fin di premiâ ogni an la miôr cjançon scrite intune des tantis lenghis minoritaris feveladis in Europe.
Il fin de manifestazion al è chel di dâ ai artiscj che a doprin une lenghe minoritarie, la pussibilitât di esibîsi sore di un palc internazionâl, in mût di sigurâsi une meretade visibilitât.
Vuê il Liet International al è un dai events plui grancj pe promozion des minorancis linguistichis, tant che il so valôr a nivel culturâl al è cetant alt e ricognossût di ducj.
I spetatôrs che ogni an si interessin dal Festival a son numerôs, tant che la medie e zire tor 1000 presincis, parimentri fondamentâl e je l’atenzion dai media internazionâi tant che BCC e CNN, e dai gjornaliscj specializâs e confermâs.
Si davuelç ogni an intune localitât di minorance diferente, cun chê di creâ une rêt di contats tra lis diferentis minorancis europeanis, e al è organizât de Fondazion Liet International, in colaborazion cun Italie, Scozie, Scandinavie, Spagne, Francie, Irlande.
Fra lis localitâts là che, tai agns passâts, si è davuelt, si ricuarde Ljouwert (Leeuwarden, in Olande, capitâl de Frisie), Oestersund (Laponie) intal 2006 e 2008, Lorient (Bretagne) intal 2010 e Udin intal 2011, intal 2012 si davuelzarà a Xixón/Gijón, Principât des Asturiis, in Spagne.
Il Liet International tant che ogni festival musicâl, al è viert a un public vast e svariât, e al tire dongje sedi i passionâts di musiche che i interessâts aes lenghis minoritaris.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device