Suns Europe 2015

Suns Europe 2015, Festival internazionâl des lenghis minoritariis europeanis e je stade une edizion gnove, intant che fin ad an di prime al jere presint dome che la sezion de musiche, di cheste edizion si son zontadis ancje la poesie e il cine fasint l'eventi il “Festival des Arts Performativis”.
Il festival al à dât la pussibilitât a Udin e dut il Friûl di deventâ une vetrine di popui e culturis dispès ignoradis che e à metût in mostre lis produzions artistichis europeanis in lenghis minoritariis.
Par plui di dôs setemanis, dai 25 di Novembar ai 12 di Dicembar, la manifestazion e à permetût la plene espression de vitalitât culturâl di artiscj, autôrs e operadôrs che a vegnin di diviersis nazions europeanis: Paîs Bascs, Carelie, Corsiche, Laponie, Friûl, Galizie, Ocitanie, Bashkortostan, Gales, Grisons, Bretagne, Ladiania, Paîs Catalans, Groenlande e Irlande. Lôr a àn presentât produzions artistichis intes propriis lenghis europeanis di minorance dilunc des diviersis manifestazions organizadis intal ambit di Suns, organizât de cooperative Informazione Friulana, cu la poie de ARLeF e di Turisim FVJ e cu la colaborazion dal CEC di Udin, des associazions Bottega Errante e Il Laboratorio, de cooperative Punto Zero, dal Comun di Udin e dal Teatri Gnûf Giovanni da Udine.
La sezion musicâl dal Festival si è concludude inte serade di vinars ai 11 di Dicembar al Teatri Gnûf Giovanni da Udine cu la esibizion di une desene di protagoniscj tra grups e soliscj, selezionâts tra i passe sessante candidâts al bant internazionâl lançât dai organizadôrs. La serade, condote in maniere vivarose dal atôr furlan Michele Polo e de cjantante e atore sarde Claudia Aru, al à cjapât i diviers stîi e ritmis musicâi dai Ilmu (grup che al à otignût il premi dal public cun tancj consens), i Caxade, i Rhapsoldya, i Ozas, i Kasernarat, i Zaman, i Tuath, il duet Marit&Nigel, il furlan Loris Vescovo e la cubie romancio-ladina Me+Marie, vincidore dal concors.
Ospit de serade ancje Marco Brollo, che insiemi ae sô band e cu la complicitât dai rappers Alessio Mura e Deck Ill Ceesa, al à presentât cierts tocs dal so disc “Cadremo Feroci”, là che l’artist si ispire a diviersis poesiis di Federico Tavan pe lôr interpretazion in musiche.
Suns Europe al à vût il patrocini dal Segretariât gjenerâl dal Consei di Europe e il bol EFFE,certificât di cualitât pai festivai europeans dât de EFA, la Associazion Europeane dai Festivai, par mieç di une jurie componude di personalitât de culture.
Dopo dai festivai, al è stât fat il film Suns Europe, diret e prodot di Marco D’Agostini, par Rai 3 FVJ e Rai Trentin. Il documentari si môf cjatant i protagoniscj de manifestazion che inte lôr lenghe mari a contin la tiere di divignince e la emozion di cjatâsi a Udin par chest Festival internazionâl.

Dai 25 di Novembar ai 12 di Dicembar dal 2015 il Friûl tal cûr de de Europe. Trê setemanis di events tra cine, leterature, poesie, teatri e musiche.
Discjame achì il program complet dal festival.
Lei il speciâl su "Il Friuli"
Lei il speciâl su "La Vita Cattolica"
Par info www.sunscontest.com
L'event su Facebook: cliche chi.

 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device