Lis lenghis dal NPLD

Il NPLD al à componût di une vore di lenghis, li che si cjatin chês uficiâls de Union europeane tant che l’eston, l’irlandês, il svedês o il finlandês, lis lenghis cun status uficiâl tai lôr teritoris tant che il basc, il catalan, il galizian, il galês, il frison, e altris comunitâts linguistichis cence ricognossiment uficiâl tant che il breton, il cors, l’ocitan, il cornish o il sami.
Il NPLD al cjape dentri dutis lis lenghis costituzionâls, regjonâls, di minorance e lis lenghis presintis in teritoris limitats, e ancje istituzions, ents publics, associazions, universitâts e organizazions presintis te societât e che a lavorin tal setôr de diviersitât linguistiche e dal multilinguisim in Europe.
Lis lenghis dal NPLD:
BASC – Euskera/Euskara
Localizazion: fevelade tai teritoris dilunc ducj i doi i lâts dai Pireneus ocidentâi, in Spagne e in France. In Spagne e je fevelade te Comunitât Autonome Basche e te regjon de Navare; in France e je fevelade tal dipartiment dai Pireneus Atlantics (ex provincie di Labourd, Basse Navare e Soule, tes vals dal Bearne, al confin cun Soule).
Numar di fevelants: 900.000 (rilevazion sociolinguistiche dal 2011).
Stât juridic: couficialitât cul spagnûl te Comunitât Autonome Basche; nissun ricognossiment uficiâl in France; couficialitât cul spagnûl tal teritori dal Nord.
Descrizion: lenghe no indoeuropeane, in dì di vuê no parten a nissune des classificazions linguistichis esistentis; ore presint al è atîf un progjet di standardizazion de lenghe basche, fondade sul dialet Gipuzkoa-Navarês e su variantis di altris dialets.
 
BRETON – Brezhoneg
Localizazion: Nord Ovest de France (Bretagne).
Numar di fevelants: uns 200.000
Stât juridic: tutele gjeneriche in France
Descrizion: tra lis lenghis celtichis modernis, il breton al è la uniche fevelade te Europe continentâl. Ore presint il numar des scuelis bilengâls al è une vore alt e la richieste di insegnament de lenghe bretone al è in aument in maniere continue.
 
CATALAN – Català
Localizazion: fevelât in cuatri regjons in Spagne (Catalogne, Comunitât Valenziane, Isulis Baleârs, Aragone orientâl) e te zone nord orientâl de Comunitât autonome di Murcia. Fevelât in France te regjon di Perpignan, Principât di Andore e in Italie a Alghero in Sardegne.
Numar di fevelants: uns 10.000.000
Stât juridic: lenghe uficiâl tal Principât di Andorre; couficiâl adun cul spagnûl in Catalogne, Valencia, Isulis Baleârs; ricognossût legalmentri a Alghero; tutele gjeneriche tal sud de Catalogne e Aragone orientâl. No ricognossude tal nord est di Murcia.
Descrizion: lenghe romanze che si modifiche dilunc dai secui X e XI; tal XII al scomence a comparî ancje te forme scrite in documents sientifics, filosofics, finanziaris, religjôs, juridics, leteraris e storics. A esistin svariadis variantis par vie dal svilup autonom che al à vût dilunc dai ultins secui e al à vût influence su svariadis lenghis regjonâls e dialets talians. Cheste lenghe e je stade condizionade, tal stes timp, ancje de lenghe taliane.
 
LENGHE DE CORNOVALIE – Kernewek
Localizazion: fevelade in Cornovalie, tal sud ovest dal Ream Unît.
Stât juridic: ricognossude in Cornovalie
Numar fevelants: 1.000
Descrizion: element impuartant de cussience nazionâl de Cornovalie ancje se in chest moment no à nissun ricognossiment uficiâl e e vîf une situazion precarie. Intun ambient dal dut anglicizât e ven fevelade di une minorance de popolazion soredut in situazions di vite cuotidiane.
 
LENGHE DE CORSICHE – Corsican
Localizazion: Isule de Corsiche
Numar fevelants: tra 125.000 e 170.000
Stât juridic: lenghe uficiâl
Descrizion: dal secul XI la Corsiche e ven unide ai teritoris talian cun modifichis linguistichis significativis: il dialet locâl al ven sostituît di une variante de lenghe taliane su base toscane. Dal secul XIX il talian al jentre in crisi tal teritori invezit il francês si slargje te isule e in contemporanie la lenghe corse e scomence a pandisi. In dì di vuê la lenghe e je intune fase di progrès, lent ma costant (indagjin sociolinguistiche 2013).
 
ESTON – Eesti
Localizazion: Estonie, Russie, Nord de Letonie.
Numar di fevelants: 945.000 in Estonie, tra 26.000 e 56.000 in Russie, 3.300 in Letonie dal Nord.
Stât juridic: lenghe uficiâl in Estonie; tutele juridiche in Russie e Letonie.
Descrizion: caraterizade di doi sotgrups dialetâi, tra chescj lis diferencis a son impuartantis tant di jessi consideradis dôs lenghis separadis. Il dialet dominant al è il Voru.
 
FINLANDÊS – Soumea/Suomi
Localizazion: Finlande, nord est de Svezie, nord ovest de Russie, Norvegje setentrionâl, nord de Estonie.
Numar di fevelants: tra 4.850.000 e 4.890.000, in Finlande 4.800.000, 20.000-50.000 tal nord est de Svezie, 23.000 in Russie, 2.000-12.000 in Norvegje setentrionâl, 5.000 tal nord de Estonie.
Stât juridic: lenghe uficiâl in Finlande, ricognossude de leç in Svezie, Norvegje e Republiche de Carelie (Federazion Russe); tutele no specifiche tal rest de Federazion Russe e in Estonie.
Descrizion: la forme standard de lenghe si fonde su lis formis feveladis dopradis tal sud ovest dal paîs. Par vie de concuiste russe de Finlande tal 1809, il finlandês si rinfuarce deventant la lenghe fevelade de plui part de popolazion.
 
Localizazion: lenghe fevelade tal nord dai Paîs Bas (Friesland) e de Gjermanie nord ocidentâl (distrets de Frisie setentrionâl, Pinnenberg e Cloppenburg).
Numar di fevelants: di 340.000 a 472.000
Stât juridic: couficialitât adun cul olandês te provincie de Frisie, ricognossude de leç ma no uficiâl in Gjermanie.
Descrizion: fevelade in trê areis diviersis che a corispuindin a ognidun dai sotgrups dialetâi, chel ocidentâl, chel orientâl e chel setentrionâl. Chescj dialets a àn diferencis fuartis tra di lôr par vie dai events storics che a àn contribuît ae discontinuitât atuâl dal domini linguistic frison.
 
GALIZIAN – Galego
Localizazion: Comunitât autoctone di Galizie, zonis ocidentâls de Asturiis, León e Zamora; altris Comunitâts di lenghe galiziane a son presintis in citâts tant che Barcelone, Zurigo, Montevideo, Buenos Aires.
Numar di fevelants: 2,7 milions di abitants
Stât juridic: lenghe uficiâl
Descrizion: lenghe che e parten al grup di lenghis romanzis; il galizian al ven doprât in ogni gjenar di situazion comunicative, par vie dal ambient favorevul li che al vîf stant che al è aumentât l’ûs de lenghe te vite publiche e si à vût il ricognossiment dal status di uficialitât.
 
IRLANDÊS – Gaeilge
Localizazion: bande ocidentâl e meridionâl de Republiche di Irlande e dal Ream Unît (Irlande dal Nord).
Numar di fevelants: uns 560.000
Stât juridic: lenghe uficiâl te Republiche di Irlande, lenghe ricognossude de leç in Irlande dal Nord, lenghe uficiâl de Union europeane.
Descrizion: il svilup de lenghe al è leât a trê moments: gaelic irlandês antîc (600-900), gaelic irlandês medi (900-1200), gaelic irlandês moderni (dal 1200). La sô difusion e je une vore largje, par vie ancje di une strategjie di lenghe doprade dal guvier irlandês cul obietîf di incressi l’ûs e la cognossince dal irlandês tant che lenghe de comunitât.
 
LENGHE DE CARELIE - Karjala
Localizazion: Russie nord ocidentâl, soredut te Republiche di Carelie e tai teritoris di Tver e di San Pietroburgo.
Numar di fevelants: di 62.500 a 118.000
Stât juridic: lenghe ricognossude te Republiche di Carelie (Federazion Russe), e à une tutele gjeneriche tal rest de Federazion.
Descrizion: lenghe cun cuatri dialets difarents, lenghe careliche, Livvi, Iudic e Ingrian. Ancje se lis lenghis si somein e i fevelants a àn origjin storichis comunis, dispès si pense che chescj dialets a sedin lengaçs separâts.
 
LITUAN – Lietuvių kalba
Localizazion: lenghe fevelade in Lituanie, Russie europeane, Letonie meridionâl, Polonie dal nord, Bielorussie nord ocidentâl, Estonie.
Numar di fevelants: 3.120.000, di chescj 3.000.000 in Lituanie, 43.000-67.000 te Russie europeane, 35.000 in Letonie meridionâl, 6.000 tal nord est de Polonie, 10.000 tal nord ovest de Bielorussie, 2.200 in Estonie.
Stât juridic: lenghe uficiâl in Lituanie, ricognossude de leç in Polonie. Tutele gjeneriche te Federazion Russe, in Letonie e Estonie, nissun ricognossiment in Bielorussie.
Descrizion: e à doi sotgrups dialetâi difarents, il Bas lituan e l’Alt lituan che su chest si fonde la forme standard atuâl de lenghe. La sô uficialitât e nas tal moment de indipendence de Lituanie (1918-1940), rinfuarçant il so ûs in ducj i setôrs; cu la seconde vuere mondiâl e la anession di bande de Union Sovietiche chest periodi di cressite pe lenghe al finìs.
 
OCITAN – Aranese/Llenga d’Oc
Localizazion: fevelât te Catalogne nord ocidentâl (Val d’Aran), in France meridionâl e nord ocidentâl, in Italie meridionâl e tes vals alpinis ocidentâls dal Piemont e te citât di Guardia Piemontese, a Monaco.
Numar di fevelants: tra 1.000.000 e 3.000.000; 4.700 te Catalogne nord ocidentâl, tra 1.000.000 e 2.800.000 tal Sud de France, tra 50.000 e 100.000 in Italie meridionâl e nord ocidentâl, 4.500 a Monaco.
Stât juridic: lenghe uficiâl in Catalogne, ricognossude de leç in Italie, tutele juridiche in France, nissun ricognossiment normatîf a Monaco.
Descrizion: te Ete di Mieç Basse e jere la lenghe aministrative e culturâl de Ocitanie, dal secul XIII la France e manten il control su cuasi dut il paîs, inviant un procès di francesizazion culturâl e linguistiche.
Doprade tal sisteme aministratîf e educatîf.
 
SAMI – Sámi, Saam, Samic, Lapp
Localizazion: fevelât in Norvegje setentrionâl e centrâl, Finlande setentrionâl, Russie nord ocidentâl (provincie di Murmansk).
Numar di fevelants: di 19.000 a 54.000; 10.000-40.000 in Norvegje setentrionâl e centrâl, di 5.000 a 10.000 in Svezie setentrionâl e centrâl, 3.000 in Finlande setentrionâl, 1.000 in Russie nord ocidentâl.
Stât juridic: uficiâl in Norvegje, ricognossût de leç in Finlande, Svezie e provincie di Mursmansk, tutele juridiche tal rest de Federazion russe.
Descrizion: al à doi grancj sotgrups dialetâi, Sami orientâl e Sami ocidentâl. In dì di vuê la variante plui pandude e je chê fondade sul Sami dal Nord, ven a stâi il Sami fevelât in Norvegje, Svezie e Finlande.
 
SVEDÊS – Svenska
Localizazion: fevelât in Svezie e in Finlande, piçule minorance presinte tal nord ovest de Estonie.
Numar di fevelants: 5,4% de popolazion in Finlande, 1.000 tal nord ovest de Estonie, comunitâts migrantis tai Stâts Unîts (uns 76.000) e Canadà (uns 17.000).
Stât juridic: lenghe uficiâl in Svezie, lenghe nazionâl uficiâl in Finlande insiemi cul finlandês, in Estonie e à une gjestion culturâl sô, comunitât di lenghe svedese in Finlande.
Descrizion: l’interès alt a nivel scolastic pe lenghe svedese al mostre une atenzion particolâr al bilinguisim. Al devente lenghe uficiâl in Svezie dome tal 2009, e dal 2011 e esist une Strategjie par dutis dôs lis lenghis nazionâls par meti in vore i dirits linguistics fissâts de leç.
 
GALÊS – Cymraeg
Localizazion: sud ovest dal Ream Unît (Gales)
Numar di fevelants: 510.000-600.000
Stât juridic: ricognossût de leç
Descrizion: caraterizât di doi grups dialetâi, chel dal Nord e chel dal Sud dal Gales. In dì di vuê il numar dai fevelants si à stabilizât, e a diference dal passât a son lis gjenerazions zovinis che a fevelin la lenghe, in cheste maniere il galês al è la lenghe plui ative jenfri chês celtichis.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device