Servizi civîl nazionâl: 2 puescj in ARLeF
Il Dipartiment de Zoventût e dal Servizi Civîl Nazionâl al à dât fûr un bant pe selezion di 212 volontaris di inviâ tai progjets di Servizi civîl te Regjon Friûl Vignesie Julie. Dentri de graduatorie dai progjets presentâts dai ents acreditâts, al è ancje il progjet promovût de ARLeF par doi volontaris:
• Plui civîl par furlan

A puedin partecipâ ae selezion i citadins europeans, cence distinzion di ses che, ae date di presentazion de domande, a vedin disevot agns finîts e no plui di vincjevot. In particolâr, par partecipâ ae selezion, si domandin la cognossince de lenghe furlane, la cognossince de informatiche di base, buinis capacitâts di comunicazion. La sede dal servizi e sarà la Agenzie Regjonâl pe Lenghe Furlane in vie Prefeture 13 – 33100 Udin.
La durade dal servizi e je di dodis mês e fintun massim di 1.400 oris. Ai volontaris ur spiete un assegn di 433,80 Euro ogni mês.
La domande di partecipazion ae selezion, compagnade de fotocopie di un document di identitât valit e di une schede di declarazion dai titui, e varà di jessi spedide o presentade diretementri ae Agenzie Regjonâl pe Lenghe Furlane in vie Prefeture 13 – 33100 Udin (tel. 0432 555812) dentri des 14.00 dai 16 di Avrîl dal 2015.
Al è pussibil presentâ dome une domade di partecipazion e par un progjet sôl di Servizi Civîl Nazionâl, sielzint tra chei che a son stâts metûts dentri tal bant nazionâl o tai bants regjonâls e des Provinciis autonomis, se no si ven lassâts fûr.
La domande e podarà jessi mandade:
- cu la pueste eletroniche certificade ae direzion arlef@certgov.fvg.it (si vise che al è pussibil mandâ un messaç a une direzion di pueste certificade dome di une altre direzion certificade, no cu la pueste ordenarie);
- cun racomandade A/R;
- a man.
Par altris informazions viôt ancje i sîts www.infoserviziocivile.it e www.serviziocivile.gov.it.

Cjale da pît de pagjine i documents zontâts di discjamâ