"Il Diaul e la gubane" protagonist te Notte dei Lettori
SABIDE AI 30 DI MAI DAL 2015 APONTAMENT CUL DIAUL E LA GUBANE.
PAR LEI, CJALÂ E MANGJÂ.
PRESENTAZION DAL LIBRI E MIRINDE PAI FRUTS

In ocasion de "Notte dei lettori. Di lei e di contâ", organizade dal Comun di Udin, i piçui letôrs golôs a son invidâts sabide ai 30 di mai aes 16.30 alì de Feltrinelli di Udin, ae leture animade in 3 lenghis dal libri di Chiara Carminati, cun ilustrazions di Pia Valentinis. Dopo de leture, si fasarà mirinde cu la gubane e struc di miluç des Vals dal Nadison.
Publicât de cjase Sinnos in gracie de ARLeF, dal Comun di Cividât e de Bancje di Cividât, il libri al è voltât par sloven e par furlan e al è il spieli di un teritori plurilengâl.

Par viodi une cerce dal libri, cjalcje achì.