Manifestazion Principâl 2017

In atuazion des normis previodudis de Leç n. 6/2015, la Agjenzie Regjonâl pe Lenghe Furlane, inte suaze dal program anuâl aprovât de Zonte regjonâl, e sosten la realizazion di manifestazions culturâls pe celebrazion de “Fieste di Patrie dal Friûl” de bande di ents locâi in colaborazion cu lis Pro Loco e altris sogjets publics e privâts cence fins di vuadagn o finalitâts mutualistichis.

Manifestazion principâl dal 2017
La edizion 2017 de Fieste si tignarà intal Comun di Sapade, domenie ai 2 di Avrîl dal 2017, cun chest program:

aes 10.15: in Borc Granvilla (devant de Glesie di Santa Margherita) esposizion de bandiere dal Friûl cul acompagnament de bande di Sapade "Plodar Plech Musik"

aes 10.30: inte Glesie di Santa Margherita, l'Arcivescul di Udin, Mons. Andrea Bruno Mazzoccato e i vicjaris des Diocesis di Gurize e Concuardie Pordenon a celebreran la messe cun leturis e preieris par Furlan, Todesc, Sloven e Talian, cu la partecipazion de Corâl di Santa Cecilia, direte dal mestri Benedetto Fiori.

aes 11.45: viertidure de cerimonie civîl cu la leture in lenghe todescje de Bole dal Imperadôr Indrì IV, che e rapresente l'at di fondazion de Patrie dal Friûl e salûts des autoritâts. Cun di plui, al sarà presentât il bant di concors promovût dal Istitût Ladin furlan "Pre Checo Placerean" pe composizion dal Imni uficiâl de Patrie dal Friûl.

aes 15.30: dopo il gustâ intai ristorants convenzionâts di Sapade, in Borc Granvilla, rivade de Stafete des Lenghis Minoritariis dal Friûl (che e partirà di Udin, aes 08.00 di sabide al 1 di Avrîl).

Lis celebrazions de Fieste de Patrie dal Friûl a van indevant fin ai 15 di Avrîl in graciis dal calendari siôr di events (rapresentazions teatrâls, concierts, conferencis, presentazions di libris e tant altri ancjemò) promovûts su dut il teritori furlan de bande di Comuns, ents e associazions.

Discjame chi il calendari dai events
 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device