"Incuintri al doman", l'Imni uficiâl dal Friûl

Une jurie di esperts e à decretât il vincidôr dal concors:"Incuintri al doman", componût di Renzo Stroili Gurisatti, pai tescj e di Valter Sivilotti, pe part musicâl al sarà l'imni de Patrie dal Friûl. Un imni dulà che “la musiche e il test si integrin a vicende, traviers une scriture vocâl e strumentâl di grant respîr e di fuart slanç cjantarin"
Chest al sarà presentât uficialmentri a Setembar par dâ mût, intant, di predisponi i spartîts intes variis declinazions (orchestre, bande, corâl), che si podran doprâ intes ocasions uficiâls.

Lis peraulis dal test


Bant pe composizion dal imni uficiâl de Patrie dal Friûl
L’Istitût Ladin Furlan "Pre Checo Placerean", in colaborazion cul Messaggero Veneto - Giornale del Friuli, al bandìs un concors di composizion musicâl pe individuazion dal Imni uficiâl de Patrie dal Friûl. L'Imni al à di riclamâ i caratars principâi e particolârs dal Friûl, in riferiment ae storie, aes tradizions, ae identitât sociâl e linguistiche di dute la comunitât.
Al autôr de opare sielte de Jurie, al vignarà assegnât un premi di 3.000, 00 euro. Il concors al è viert a compositôrs di cualsisedi citadinance, etât, ses e residence; ogni candidât al pues presentâ in forme anonime dome une composizion origjinâl, mai publicade, o eseguide o premiade.
Il materiâl al à di rivâ par racomandade A/R dentri dai 20 di Zenâr dal 2018 (tiermin prorogât ai 31 di Zenâr) a chest recapit:
Istitût Ladin Furlan "Pre Checo Placerean"
Concors pal Imni de Patrie dal Friûl
CP 3 - 33039 SEDEAN (UD)

Par partecipâ al concors, discjame il regolament e il modul di iscrizion che tu cjatis culì sot.
Bant Concors Composizion dal Imni de Patrie dal Friûl
Modul di iscrizion_Concors Composizion dal Imni de Patrie dal Friûl

 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device