SIUMS

Il spetacul teatrâl SIUMS al poie suntune sugjestion dal regjist gjaponês Akira Kurosawa, fasint sô la struture di un dai siei ultins films Dreams, indulà che si conte la essence de vite midiant di siet siums, che il regjist gjaponês al memoree cui passaçs fondamentâi de vite: la crisi de separazion, l’abandon, la dibisugne di sierâ cul passât, il sens di panic de fin, il ripâr tal spazi de bielece, la dibisugne di ecuilibri di pâs.
Il regjist Gigi Dall’Aglio, par chest fin, al à elaborât lis sugjestions onirichis gjavadis fûr di Elio Bartolini, Pier Antonio Bellina, Novella Cantarutti, Carlo Ginzburg, Sergio Maldini, Pier Paolo Pasolini e Carlo Sgorlon.
“Cuant che o ai viodût il film di Kurosawa - al à comentât Gigi Dall’Aglio - o ai pensât che chês storiis nus rivuardavin ducj: ma se di une bande la sostance dai siums e ven percepide tant che universâl, la conte, lis imagjinis, lis sensazions a son “Gjapon” di plante fûr. Inalore mi soi domandât cuale realtât culturâl vuê in Italie e je in stât di presentâsi cuntune struture di imagjinis, pinsîrs, peraulis e azions ben definîts: par me, la culture furlane e je une di chês. In plui, chê furlane, e je une lenghe teatrâl”.

Daspò la prime assolude al Mittelfest 2012, ai 14 di Lui al Teatri Ristori di Cividât, la gnove produzion in lenghe furlane de Farie Teatrâl Furlane, Siums, sot de regjie di Gigi Dall'Aglio, a tornarà in sene tal 2013.

Tournée 2013:
13 e 15 di Març, aes 20:45
16 di Març, aes 16:00
Udin, Teatri Gnûf Giovanni da Udine

18 di Març, aes 20:45
Codroip, Teatri Benois De Cecco

24 di Març, aes 20:45
Sant Vît dal Tiliment (Pordenon), Auditorium Centri Civic
SIUMS

Test: un spetacul di Gigi Dall’Aglio

Sugjestions onirichis di: Elio Bartolini, Antonio Bellina, Carlo Ginzburg, Novella Cantarutti, Sergio Maldini, Pier Paolo Pasolini, Carlo Sgorlon

Scriture sceniche, dramaturgjie in lenghe furlane: Andrea Collavino, Gigi Dall’Aglio, Claudio de Maglio, Paolo Patui, Massimo Somaglino, Giovanni Battista Storti, Federico Tavan, Teatrino del Rifo, Teatro Incerto, Carlo Tolazzi

Interpretis: Maria Ariis, Chiara Benedetti, Gabriele Benedetti, Giuliano Bonanni, Manuel Buttus, Fabiano Fantini, Francesco Godina, Riccardo Maranzana, Giorgio Monte, Sara Rainis, Elvio Scruzzi, Aida Talliente
Cu la partecipazion dai arlêfs dal secont an de Civiche Academie di Art dramatiche “Nico Pepe”: Lidia Castella, Diego Coscia, Vladimir Doda, Marianna Fernetich, Alessandro Maione, Elisa Pistis, Anastasia Puppis, Sebastiano Sardo, Lorenzo Tolusso, Gabriele Zunino

Senis/lûs:
Senis e costums: Emanuela Dall’Aglio
Dissen des lûs: Marco Giusti

Musichis:
Musiche originâl: Davide Pitis
Eseguide de Ensemble dal Conservatori “Jacopo Tomadini” di Udin.

Assistente di Gigi Dall’Aglio: Francesco Godina

Realizazion des senis: Susy Urbani in colaborazion cul Teatri Gnûf “Giovanni da Udine” e cun Luigina Tusini

Assistente realizadore des senis: Maria Alessandra Dolce

Realizazion dai costums: Marianna Dri


schede tecniche.pdf

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device