Dramaturgjie in lenghe furlane "under 28"

La Farie Teatrâl Furlane, sostignude di ARLeF – Regjon Autonome FVJ, Provincie di Udin, Comun di Udin, Universitât dal Friûl e Fondazion Crup, al è un progjet teatrâl che al met dongje diviersis struturis dal teritori (Associazion Mittelfest, Associazion Teatrâl Furlane, Associazion Teatri Club Udin, CSS Teatri Stabil di inovazion dal FVJ, Civiche Academie di Art Dramatiche “Nico Pepe”, Conservatori “J. Tomadini”, Ent Regjonâl Teatrâl dal FVJ, Fondazion Teatri Gnûf “Giovanni da Udine”, Societât Filologjiche Furlane) che par tradizion a son impegnadis a valorizâ e incentivâ la culture e la ativitât teatrâls in lenghe furlane e cun riferiment tematic di ambit locâl.

A fâs part di chest ambit la prime edizion 2012 dal progjet "Dramaturgjie in lenghe furlane - under 28 - ativitât formative e concors", organizât de Associazion Teatri Club Udin par cont de Farie Teatrâl Furlane e indreçât a promovi e valorizâ la creativitât, l'imagjinari e il pont di viste dai zovins par mieç di gnovis esperiencis di scriture dramaturgjiche in lenghe furlane.

Il progjet “Dramaturgjie in lenghe furlane – under 28 – ativitât formative e concors” al è dividût in trê fasis:
- ativitât di formazion e produzion di tescj dramaturgjiis in lenghe furlane (prime fase);
- presentazion publiche di une selezion di trê tescj (seconde fase);
- proclamazion di un test vincidôr (tierce fase).

Fin dal cors al è la produzion di dîs tescj dramaturgjiis, po dopo trê di chescj a saran selezionâts di une jurie tecniche, e a saran presentâts in forme publiche tant che leture espressive dentri dal 2012, cul coinvolziment di atôrs e operadôrs teatrâi dal teritori.
Fra i trê tescj selezionâts e presentâts in leture, la jurie tecniche insiemi cuntune jurie popolâr e designarà a so judizi insindicabil un test vincidôr, che al podarà jessi metût in sene spetacolâr vie pal 2013.


bant di partecipazion 2012 - pdf

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device