Vuide pratiche

I conseis dai esperts
e lis oportunitâts pai fruts e pes lôr fameis

DOWNLOAD Vuide Pratiche
Cheste publicazion e nas dal progjet pilote “Infanzia plurilingue”, sostignût de Fondazione Crup, e inviât de Agjenzie Regjonâl pe Lenghe Furlane e de Aziende pai Servizis Sanitaris n. Basse Furlane, impegnade di timp in campagnis informativis plurilengâls cuntune atenzion particolâr al ûs dal furlan tai rapuarts cui pazients e cui utents dai siei servizis. La vuide e je indreçade ai gnûfs gjenitôrs, ai familiârs e ai educadôrs par informâju e sensibilizâju sui vantaçs di une educazion precoce al plurilinguisim. Dentri a vegnin dadis informazions, cognossincis, riflessions e sugjeriments di esperts – docents, ricercjadôrs, psicolics, neurolinguiscj, educadôrs – che a puedin judâ i gjenitôrs a sielzi pai lôr fîs un percors educatîf plurilengâl.

Parcè ti conseìno di lei cheste vuide?

Parcè che e je svelte e clare: e pues ufrîti sponts educatîfs gnûfs e no spietâts.

Parcè che se tu le leis tu puedis gjavâti dubis e magari rifleti su prejudizis che no tu pensavis di vê.

Parcè che il timp che tu dedichis par cheste leture al è un spazi preziôs di riflession par te e un regâl che tu fasis al to frutin.

Parcè che ae fin tu scuvierzarâs di vê une cjarte segrete di zuiâ par cressi to fi cun plui lenghis e par fâlu deventâ plui creatîf, plui atent, plui inteligjent e plui viert: la lenghe furlane!
  • 1. Se tu sielzis di cressi to fi plurilengâl, tu i dâs alc di plui di dôs o plui lenghis: une oportunitât grande e cetancj vantaçs cognitîfs, linguistics e metalinguistics.
  • 2. Lis lenghis regjonâls, come il furlan, a son une risorse preziose e une oportunitât fantastiche par cressi i tiei fîs cun plui lenghis.
  • 3. I vantaçs dal bilinguisim a son leâts al aprendiment di cualsisei lenghe, locâl o globâl; il cerviel nol fâs distinzion fra lenghis utilis e mancul utilis, grandis o piçulis.
  • 4. Imparâ il furlan di picinins al è facil, al è un procès spontani e al jude a imparâ altris lenghis come, par esempli, l’inglês.
  • 5.Cui che al fevele furlan al rinfuarcìs la sô inteligjence: i plurilengâi dispès a imparin a lei par prins e a son plui brâfs te atenzion seletive e tal passaç di un compit a di chel altri.
  • 6. I plurilengâi a àn une cussience plui grande des culturis diferentis, de vision di chei altris e di altris ponts di viste, e a son plui vierts e tolerants.
  • 7. Cui che al cres cun plui lenghis al mostre une plui grande adatabilitât e disponibilitât ai cambiaments.
  • 8. Sielzi par to fi il furlan a scuele al da oportunitâts plui grandis di esposizion ae lenghe e indi fas cressi la considerazion, motivant ancjemò di plui il frut a doprâle.
  • 9. Fevelâ par furlan al fâs restâ zovins: i studis a mostrin che il plurilinguisim nus difint dal declin cognitîf de tierce etât e indi intarde i segnâi.
  • 10. Cressi to fi plurilengâl cu la cussience che il furlan al rapresente une risorse grande e une oportunitât, al jude a sfantâ i prejudizis sul plurilinguisim, promovint une culture educative moderne, europeane e plurilengâl.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device