Azions sul teritori

Infanzie plurilengâl al è un progjet promovût de Agjenzie Regjonâl pe Lenghe Furlane adun cu la Aziende pai Servizis Sanitaris n. 5 “Basse Furlane”, e sostignût de Fondazion Crup, par promovi fra i gjenitôrs dai fruts a pene nassûts i vantaçs de educazion plurilengâl. Pes gnovis maris e pai frutins a son stâts realizâts materiâi informatîfs, un pacut cun diviers struments a supuart dal bilinguisim, e gadget une vore ninins.
  • Valisute "Puarte a cjase il furlan" e je une valisute cun materiâi une vore utii e gadget simpatics, realizade par sensibilizâ e par invoiâ i gjenitôrs a inviâ un percors di educazion bi e plurilengâl. Te valisute si cjatin: la vuide “Crescere con più lingue” il Dvd di “Pimpa par furlan”; il librut “Cjantis e rimarolis pai frutins”; un bavarin e un adesîf pe machine.
  • Publicazion "Crescere con più lingue. I consigli degli esperti. Le opportunità per i bambini e le loro famiglie" e je une vuide pratiche indreçade ai gjenitôrs, ai familiârs, ai insegnants e ai educadôrs, che e va insot tes tematichis leadis al bilinguisim infantîl. La vuide a stampe e je par talian ma si pues lei e scjariâ ancje te version in lenghe furlane.
  • Depliant "Figotiju par furlan" sfueut informatîf che al spieghe in curt ai neogjenitôrs i vantaçs dal plurilinguisim, dant sponts e riflessions su lis oportunitâts e lis modalitâts di tignî te educazion plurilengâl. Dentri al è ancje un concors pai plui piçui par vinci une copie dal dvd Omenuts il carton animât di "Little People" dut par furlan.
  • Segnelibri Un ogjet util par segnâ la pagjine dai vuestris libris preferîts, par invoiâus a cjalâ i video dal progjet ‘Cressi cun plui Lenghis’ e gjoldi de esperience e de cognossince di gjenitôrs e esperts che a mostrin trop impuartant che al è cressi i fruts bi e plurilengâi.
  • Bavarin e Adesîf pe machine

    Bavarin: un regâl une vore ninin pal picinin a pene nassût. Al bilengâl ‘di prin svol’ un bavarin cun l’invît: “Figotaitmi un a la volte!”

    Adesîf pe machine: “Frut daûr” un adesîf simpatic di tacâ sul cristal de machine par segnalâ la presince di un frut parsore.
  • Cjantis e rimarolis pai frutins Un librut ilustrât di Altan cun cjançons, disleelenghis, rimis e tiriteris, insiorât dal cd musicâl, nassût di un progjet di Silvana Schiavi Fachin e curât di Alessandra Kersevan e Giancarlo Velliscig (edizions Kappa Vu).
  • Pimpa par furlan Dal fumut innomenât nassût de matite di Altan, un Dvd cun tredis pontadis des aventuris animadis de simpatiche cjçute blancje a balins ros, dal so amì Armando e di tancj altris personaçs che in cheste serie, in graciis de iniziative de ARLeF, de colaborazion de RAI, di Quipos srl e de Regjon Friûl Vignesie Julie, a fevelin e a cjantin par furlan pe gjonde di ducj i fruts dal Friûl.
  • Omenuts Il famôs carton animât cognossût in dut il mont cul non “Little People”(Mattel_ Fisher Price) voltât in lenghe furlane. Cuatri dvd cun 5 episodis ognidun dulà che Lole, Miute, Pieri, Bete e Tonin, i cinc frutins protagonoscj, cu la lôr abilitât e voie di aventure, a frontin ogni dì une storie gnove, intun mont fat di pueste par lôr (SFF e Raja Films ed.).

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device