IL GRANT DIZIONARI BILENGÂL TALIAN FURLAN

WEB, CD-ROM, APP: cemût si doprino?

Produzion ARLeF – Agjenzie Regjonâl pe Lenghe Furlane
8.53 min. In lenghe furlane cun sottitui par talian
2017


Il GDBtf al è il dizionari plui complet par lemis e par profonditât descritive che vuê al è a disposizion. Al conten plui di 70.000 lemis de bande dal talian (monorematics e polirematics) riferîts a 68.000 lemis furlans, scrits daûr des regulis de grafie uficiâl. Pal talian al fâs riferiment al Grande Dizionario dell’Uso della Lingua Italiana di Tulio De Mauro. Pal furlan al ten cont di dutis lis oparis lessicografichis furlanis publicadis e dai criteris di insiorament dal lessic e di formazion dai neologjisims fats bogns dal OLF (Osservatori regjonâl de Lenghe e culture Furlanis). Il Grant Dizionari Bilengâl al conten definizions, esemplis e fraseologjie, sinonims e contraris. Al pues jessi doprât cu la funzion di ricercje semplice o par fâ ricercjis plui avanzadis, ma ancje par consultâ il cuadri flessionâl dai verps o dai sostantîfs.

Il GBBtf in plui che in linie sul sît de ARLeF www.arlef.it, si cjate ancje su CD-ROM – in distribuzion gratuite li de ARLeF – di instalâ sul computer: il program al à licence open source e al è disponibil par Linux, Macintosh e Windows.
Cun di plui, in graciis di une App, ducj i contignûts dal GDBtf si puedin consultâ in timp reâl ancje su smartphone e tablet. La App e je disponibile sedi par IoS che par Android.
In chest tutorial al è pussibil imparâ in maniere semplice e svelte, pas par pas, ducj i ûs e lis potenzialitâts dal Grant Dizionari Bilengâl talian furlan su web, cd-rom e App.

Realizazion Videotutorial: ARLeF – Agjenzie Regjonâl pe Lenghe Furlane
Supuart organizatîf: CALT
Consulence: CLAAP Centri di Linguistiche Aplicade
Ripresis, editing video e post produzion: Intech srl
Vôs e presentazion: Veronica De Giorgio, Calt

Distribuzion:
© ARLeF – Agjenzie Regjonâl pe Lenghe Furlane

Contats:
pueste eletroniche: arlef@regione.fvg.it
www.arlef.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device