2. +Sklet/XtremeTV

La serie televisive par furlan su sports estrems e sul turisim alternatîf
I part: sport



Downhill a Glemone

Regjie di Giorgio Cantoni
Une produzion di Informazione Friulana soc. coop.
Cul finanziament di ARLeF Agjenzie Regjonâl pe Lenghe Furlane
Dvx 20 minûts – 5 pontadis


La serie televisive +Sklet/XtremeTV e propon un viaç inmagant tra lis dissiplinis sportivis plui origjinâls che si pratichin in Friûl.
Lis escursions inte varietât dai ambients naturâi che a caraterizin il teritori, a puartin i spetatôrs a discuvierzi cinc ativitâts sportivis diferentis, e cun chês si va indentri a plen tal ambient naturâl dulintor e si esplorin lûcs che se no a saressin cuasi inacessibii.
Tra lis particolaritâts dai sports protagoniscj de serie, la “spetacolaritât” e il plen rispiet pal teritori a son i elements che a vegnin fûr des intervistis fatis ai sportîfs e de sperimentazion direte des dissiplinis di bande dai stes presentadôrs dal program.
In ogni pontade, il viaç dentri di un microcosmi fat di personis, lûcs e ativitâts si siere cu la discuvierte di contescj particolârs di ospitalitât turistiche, sedi di un pont di viste culturâl, che di ambient e di teritori.
La trasmission e je caraterizade di un lengaç televisîf svelt e moderni e e je condusude in lenghe furlane.

Downhill a Glemone
Ta cheste pontade, suntune biciclete di downhill, o corarìn jù pai trois che de Mont dal Cuarnan a vegnin jù fin a Glemone. O lin duncje ae discuvierte di un sport che si fâs di rive jù, su percors di mont o di culine: chest teritori al è cetant adat pe pratiche dal downhill, sedi pes particolaritâts dal teren che pes tipologjiis diferentis di trois che si puedin cjatâ.
Cun David Forgiarini de Associazion Orbike si va a cognossi di dongje chest sport ecitant e entusiasmant, a contat diret cu la nature e cu la mont.

Diretôr di produzion: Paolo Cantarutti
Coordenadore de edizion: Federica Vincenti
A presentin: Francesca Battistutta e Cristian Pressacco

Ta cheste pontade:
David Forgiarini (www.asdorbike.com)
 
Trasmetude da RAI 3 Regjonâl intal 2015 e intal 2016.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device