Farcadice, Diari di Viaç

Colonia Caroya, Argjentine

Regjie di Carlo Della Vedova e Luca Peresson
Cooperative di Informazion Furlane/Entract Multimedia
Betacam 25 min.
1999


Colonia Caroya e je une citât fate sù ae fin dal 800 di cualchi desene di fameis furlanis emigradis in Argjentine. Tantis a son lis resons che a rindin interessante cheste realtât: l’ûs de lenghe furlane, la rielaborazion dai modei de tiere di divignince che o cjatìn te agriculture, te architeture e intal mont de informazion. Par mês si son fats “incuintris” par mieç di Radio ComuniCar di Colonia Caroya e doprant la rêt internet, rivant cussì a comunicâ cun dut de distance. Cussì si è podût meti adun dut ce che al coventave pes ripresis, lis intervistis, la organizazion di une troupe “miscliçade” e realizâ il documentari

Farcadice al è un progjet audiovisîf su la memorie de emigrazion furlane metût adun in colaborazion cu la Regjon Friûl Vignesie Julie. Al conte cinc realtâts, cinc musis diviersis di un secul di migrants: Colonia Caroya in Argjentine, Charleroi in Belgjiche, Umkomaas in Sud Afriche, Toronto in Canadà e il Friûl in Italie. I documentaris a son realizâts come diaris di viaç e a rapresentin une testemoneance impuartante che e met dongje la storie contade dai protagoniscj cu la documentazion storiche di fotos e di filmâts, vâl a dî ponts di viste paralêi e dut câs simultanis. Nol è un che al conte e nancje une vôs fûr cjamp: a contâ a son lis personis te lôr lenghe tradizionâl (il furlan) ma miscliçade, contaminade di agns di contats. Un lengaç, ancje fisic, che al puarte daûr i segns de storie e dai lûcs, une mape de vite e des esperiencis di chestis personis. Un viaç tal spazi e tal timp ae scuvierte dai dissendents di emigrants ancjemò une vore leâts ae lôr divignince.
Prin premio ae Mostre dal Cine Furlan 1999, Sezion no-fiction


Progjet e regjie: Carlo Della Vedova e Luca Peresson
Assistent ae regjie: Claudio Roja
Senegjadure: Toni Buian e Luca Peresson
Diretôr de fotografie: Carlo Della Vedova
Montaç: Carlo Della Vedova e Luca Peresson
Musichis: Lauret, Prosdocimo, Carrizo;
Produzion: Cooperative di Informazion Furlane/Entract Multimedia in colaborazion cun Radio FM ComuniCar (Colonia Caroya)

Par viodilu
http://www.entract.it/project/progetto-farcadice/

Distribuzion
Entract Multimedia
entract@entract.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device