Farcadice, Diari di Viaç

Charleroi, Belgjiche

Regjie di Carlo Della Vedova e Luca Peresson
Entract Multimedia
Letter box 4:3 Pal /36 min.
2006


Charleroi - Daspò di Colonia Caroya, Carlo Della Vedova e Luca Peresson a mostrin une altre pagjine de diaspore furlane, chê che, ae fin de seconde vuere mondiâl, e viôt emigrâ in Belgjiche centenârs di nestris coregjonâi. La idee e ven fûr ancje de esigjence, 50 agns daspò de tragjedie di Marcinelle (dai 8 di Avost dal 1956) li che a muririn 262 minadôrs, di vignî a bon su un dai aspiets plui dramatics di chest esodi provocât de precarietât des condizions sociâls e economichis dopo de seconde vuere mondiâl. Al è cussì che tancj, pronts a ducj i sacrificis par dâ di vivi a dute la famee, a forin clamâts dongje de ufierte di lavôr des minieris belgjichis. Ma, chescj minadôrs, a jerin lassât a scûr, dai guviers complasents e cinics, dai pericui reâi di chestis minieris, consideradis in chê volte tant che lis plui pericolosis dal mont. Il film al dopre lis testemoneancis dai protagoniscj, dai lôr dissendents e di une documentazion storiche acurade.

Farcadice al è un progjet audiovisîf su la memorie de emigrazion furlane metût adun in colaborazion cu la Regjon Friûl Vignesie Julie. Al conte cinc realtâts, cinc musis diviersis di un secul di migrants: Colonia Caroya in Argjentine, Charleroi in Belgjiche, Umkomaas in Sud Afriche, Toronto in Canadà e il Friûl in Italie. I documentaris a son realizâts come diaris di viaç e a rapresentin une testemoneance impuartante che e met dongje la storie contade dai protagoniscj cu la documentazion storiche di fotos e di filmâts, vâl a dî ponts di viste paralêi e dut câs simultanis. Nol è un che al conte e nancje une vôs fûr cjamp: a contâ a son lis personis te lôr lenghe tradizionâl (il furlan) ma miscliçade, contaminade di agns di contats. Un lengaç, ancje fisic, che al puarte daûr i segns de storie e dai lûcs, une mape de vite e des esperiencis di chestis personis. Un viaç tal spazi e tal timp ae scuvierte dai dissendents di emigrants ancjemò une vore leâts ae lôr divignince.
Il film al à vût il premi "Renato Appi" di Cordenons te edizion 2006.


Progjet e regjie: Carlo Della Vedova e Luca Peresson
Produzion: Entract Multimedia in colaborazion cul Comun di Tarcint
 

Par viodilu
http://www.entract.it/project/progetto-farcadice/

Distribuzion
Entract Multimedia
entract@entract.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device