25. Maman! ©

Vincjesime cuinte pontade: 09.06.2017
Viaç te prime serie di Maman! - Un struc pai salûts finâi.

Maman! La prime trasmission televisive dute in lenghe furlane dedicade ai fruts.
In onde su Telefriuli (canâl 11) ogni vinars aes 17:45 e in repliche il miercus aes 17:45 e la domenie aes 7:15.


Une produzion ARLeF – Agjenzie Regjonâl pe Lenghe Furlane e Telefriuli
Durade: 20 minûts cirche


Intune cjasute plene di colôrs a vivin Daria e il so tenar gjatut Vigji. Ducj i doi a passin dopodimisdîs une vore divertents, là che si alternin cjantons plens di ligrie a musiche e cjançons, zûcs, filastrocjis, contis e altri ancjemò. Ae puarte di Daria a tuchin ogni volte ospits simpatics, ognidun cuntune sô storie particolâr di contâ: cjantants, scritôrs, ilustradôrs, insegnants, mâcs, cjantautôrs, atôrs, comics, musiciscj, cogos, e altris ancjemò. A insiorâ ogni pontade ancje i episodis dal carton animât par furlan “Omenuts” – che si pues viodi dome intant che la trasmission Maman! e va in onde su Telefriuli – e tantis rubrichis: “A ogni frut il so librut”, dedicade ae leture di un libri ilustrât in lenghe furlane; il “Zûc”, cu lis ilustrazions di “Alc&Ce” che e je la riviste pai fruts de “La Vita Cattolica”; “Master Cogo Furlan”, cun plats une vore sempliçs di preparâ; il spazi dedicât ai videos mandâts dai frutins ae trasmission e “99 peraulis”, lis cjartis ilustradis che a fasin imparâ ai fruts peraulis in plui lenghis. La trasmission si siere cuntune rubriche dedicade ai adults: une curte videointerviste dal progjet “Cressi cun plui lenghis” par informâ e par sensibilizâ i gjenitôrs, i nonos, i educadôrs sui vantaçs de sielte dal plurilinguisim za dai prins mês di vite.

Condutore e autore: Daria Miani
Regjie: Luca Fornasiero
Sigle: vôs e peraulis di Daria Miani / Musiche di Flaviano Miani / Fotografiis di Silvia Raber / Animazion di Pierangelo Buttazzoni e Davide Nicolicchia
Redazion e consulence linguistiche: Priscilla De Agostini, Linda Picco, Miriam Pupini
Responsabil dal progjet pe ARLeF: William Cisilino
Coordenament pe ARLeF: Priscilla De Agostini

Contats:
arlef@regione.fvg.it
maman@tvstar.com

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device