Farcadice, Diari di Viaç

Il Friûl In Italie

Regjie di Carlo Della Vedova e Luca Peresson
Entract Multimedia/Comun di Trep
Betacam 42 min.
2011


Friûl in Italie - Il filon dai “diaris di viaç” di Della Vedova e Peresson al propon un altri cjapitul de saghe dai furlans intal forest. Un cjapitul une vore particolâr parcè che in chest câs il “forest” al è la Italie, e la emigrazion e je chê che e puartarà miârs di nestris conazionâi a emigrâ prime a Vignesie par fâ i lavôrs plui umii, po dopo, tai agns ’30 dal Nûfcent, intal Lazi (te gnove provincie di Latina) li che lis tieris a jerin stadis bonificadis e, daspò de seconde vuere mondiâl, tes citâts industriâls dal Nord, Milan e Turin in particolâr.

Farcadice al è un progjet audiovisîf su la memorie de emigrazion furlane metût adun in colaborazion cu la Regjon Friûl Vignesie Julie. Al conte cinc realtâts, cinc musis diviersis di un secul di migrants: Colonia Caroya in Argjentine, Charleroi in Belgjiche, Umkomaas in Sud Afriche, Toronto in Canadà e il Friûl in Italie. I documentaris a son realizâts come diaris di viaç e a rapresentin une testemoneance impuartante che e met dongje la storie contade dai protagoniscj cu la documentazion storiche di fotos e di filmâts, vâl a dî ponts di viste paralêi e dut câs simultanis. Nol è un che al conte e nancje une vôs fûr cjamp: a contâ a son lis personis te lôr lenghe tradizionâl (il furlan) ma miscliçade, contaminade di agns di contats. Un lengaç, ancje fisic, che al puarte daûr i segns de storie e dai lûcs, une mape de vite e des esperiencis di chestis personis. Un viaç tal spazi e tal timp ae scuvierte dai dissendents di emigrants ancjemò une vore leâts ae lôr divignince.


Progjet e regjie: Carlo Della Vedova e Luca Peresson
Progjet grafic, montaç e postproduzion: Paola Zoratti
Musichis: Claudio Cojaniz;
Produzion: Entract multimedia/Comun di Trep
Cul contribût de Regjon Friûl – Vignesie Julie/Comun di Tresesin/BCC/Fondazion CRUP

Par viodilu
http://www.entract.it/project/progetto-farcadice/

Distribuzion
Entract Multimedia
entract@entract.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device