6. Pimpa®

Ducj cul rafredôr

di Francesco Tullio Altan

Regjie di Osvaldo Cavandoli
RAI  - Sede regjonâl dal F.V.J./ARLeF Agjenzie Regjonâl pe Lenghe Furlane/ Regjon F.V.J./Quipos s.r.l.
DVD 58 min. (13 episodis)
2006


Dal innomenât fumut creât di Altan e publicât pe prime volte tal 1975 tal Corriere dei Piccoli, ve chi lis aventuris de simpatiche cjiçute blancje a balins ros  cu la vôs di frute e cul so amì Armando e tancj altris personaçs. Cheste version animade in lenghe furlane e je stade  produsude e trasmetude de sede Rai dal Friûl - Vignesie Julie te prime e seconde serie - la prime direzude di Osvaldo Cavandoli (La Linea) e la seconde di Enzo D’Alò (La gabbianella e il gatto) - tal 2002 e 2008. Pimpa®, dongje di jessi stade voltade par inglês, spagnûl, todesc e francês, e je stade voltade ancje in lenghis minorizadis tant che ladin, furlan e sart.
Tal 2013 in graciis de iniziative de ARLeF Agjenzie Regjonâl pe Lenghe Furlane e de colaborazion di RAI - Radiotelevision taliane, Quipos srl e Regjon Friûl Vignesie Julie, tredis episodis de fortunade serie par furlan a son stâts publicâts intun Dvd dal titul “Pimpa® par furlan”: L’acuilon e l’Arc di S. Marc / Lis sisilis a van vie / Ta la cjasute gnove / Une corse fin al Polo / Tal zardin da lis gjostris / Ducj cul rafredôr / La nâf in pericul / Il pipinot di nêf / Il pagnut / Lussie la lusigne / Inte foreste vergjine / Viaç di là dal mâr / Maladet il rubinet.

Senegjature e ideazion: Francesco Tullio Altan
Regjie: Osvaldo Cavandoli
Musichis: Corrado Tringali
Animazion: Studio G.L.M.
Traduzion furlane: Elio Bartolini
Coordenament artistic e direzion pe dopleadure: Claudia Brugnetta cu la consulence di Paolo Patui
Vôs de version furlane: Maria Ariis, Andrea Collavino, Claudia Grimaz, Elvio Scruzzi, Andrea Zuccolo
Mixaç: Federico Comar, Giuliano Pecorari
Postproduzion: Cristian Cociancich, Davide Pavanello

Distribuzion
ARLeF
t. 0432 555812
www.arlef.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device