Farcadice, Diari di Viaç

Umkomaas, Sud Afriche

Regjie di Carlo Della Vedova e Luca Peresson
Entract Multimedia
Betacam 38 min.
2007


Umkomaas - Daspò dal diari di viaç a Colonia Caroya in Argjentine e chel a Charleroi in Belgjiche, Carlo Della Vedova e Luca Peresson a son lâts a Umkomaas in Sud Afriche par viodi ce che al restave di une des plui impuartantis comunitâts di emigrants furlans in chel paîs.
Umkomaas al è un paîs che si cjate a 50 Km di Durban. Tal 1954 a rivarin sul puest cirche 700 tecnics e operaris de SAICI di Tor di Zuin par fâ sù chel che al sarà il plui grant implant pe produzion di celulose dal emisferi sud. Tancj di lôr a son restâts in chel puest e si son integrâts in chê societât cence però mai dismenteâ lis lôr lidrîs.

Farcadice al è un progjet audiovisîf su la memorie de emigrazion furlane metût adun in colaborazion cu la Regjon Friûl Vignesie Julie. Al conte cinc realtâts, cinc musis diviersis di un secul di migrants: Colonia Caroya in Argjentine, Charleroi in Belgjiche, Umkomaas in Sud Afriche, Toronto in Canadà e il Friûl in Italie. I documentaris a son realizâts come diaris di viaç e a rapresentin une testemoneance impuartante che e met dongje la storie contade dai protagoniscj cu la documentazion storiche di fotos e di filmâts, vâl a dî ponts di viste paralêi e dut câs simultanis. Nol è un che al conte e nancje une vôs fûr cjamp: a contâ a son lis personis te lôr lenghe tradizionâl (il furlan) ma miscliçade, contaminade di agns di contats. Un lengaç, ancje fisic, che al puarte daûr i segns de storie e dai lûcs, une mape de vite e des esperiencis di chestis personis. Un viaç tal spazi e tal timp ae scuvierte dai dissendents di emigrants ancjemò une vore leâts ae lôr divignince.

Intervistis: Luca Peresson
Ripresis e montaç: Carlo Della Vedova
Elaborazion grafiche: Paola Zoratti
Segretarie di produzion: Giusy Gubiani
Assistent aes ripresis: Federico Taboga
Materiâl fotografic di archivi: Associazione Primi di Torviscosa (Tor di Zuin), Club Italiano (Umkomaas), Ferruccio Monte (Umkomaas), Paolo Taverna Turisan (Triest).
Materiâl cinematografic di archivi: Associazione Primi di Torviscosa (Tor di Zuin), Cineteca del Friuli (Glemone), Entract Multimedia (Udin).
Ripresis di archivi: Carlo Della Vedova, Bruno Beltramini (Udin), Ferruccio Monte (Umkomaas), Catello e Maurizio Faella (Udin).
Intervistâts: Enoch Baldin, Alfredo Battiston, Cesira Boem, Roberto Bozzone, Vera Bragagnolo, Mons. Umberto Ceselin, Lorenzo Della Martina, Anna Maria Di Marco, Sergio Govetto, Graziano Joppo, Iflim Mapamulo, Franco Mason, Silvia Martellossi, Bice Martincigh, Paolo Meneghel, Ferruccio Monte, Silvano Moro, Mario passero, Loretta Pavan, Renata Pitich, Daniela Pitich, Pierina Pressacco, Rosina Scarpa, Eddi Susanna, Ermanno Scrazzolo, Dino Tuniz, Edi Taverna, Paolo Taverna Turisan, Nevio Turco, Ido Zanello.
Organizazion gjenerâl Sud Afriche: Roberto Bozzone
Consulence pe lenghe furlane: Christian Romanini
Consulence pe lenghe afrikaans: Manuela Danelutti
Consulence storiche: Ermanno Scrazzolo
Musichis: Dormi, dormi - gjavadis fûr di "Suns naturâi" Nota 2003; A no 'nd è suite natale gjavadis fûr di "Strepitz n. 0" Nota 1999 Sunadis dal Strepits; Musichis tradizionâls sunadis de "Società Filarmonica di Pozzuolo del Friuli" (Puçui).
Postproduzion: Entract Multimedia, Udin
Graciis a: comunitât furlane di Umkomaas, Club Italiano (Umkomaas), Villa al Fiume & Riva Valley Lodge (Umkomaas), Enea Baldassi, Roberto Bozzone, Marco Maria Tosolini, Francesca Volonté.

In colaborazion cun
Comun di Tarcint/Comun di Tresesin/Comun di Trep Grant/Comun di Tor di Zuin
Cul contribût di
Regjon Autonome Friûl Vignesie Julie - Servizi Identitâts, Linguistichis, Culturâls e Coregjonâi tal Forest


Par viodilu
http://www.entract.it/project/progetto-farcadice/

Distribuzion
Entract Multimedia
entract@entract.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device