5. +Sklet/XtremeTV

La serie televisive par furlan su sports estrems e sul turisim alternatîf
I part: sport



Parecleve a motôr te Val di Incjaroi

Regje di Giorgio Cantoni
Une produzion di Informazione Friulana soc. coop.
Cul finanziament di ARLeF Agjenzie Regjonâl pe Lenghe Furlane
Dvx 20 minûts – 5 pontadis


La serie televisive +Sklet/XtremeTV e propon un viaç inmagant tra lis dissiplinis sportivis plui origjinâls che si pratichin in Friûl.
Lis escursions inte varietât dai ambients naturâi che a caraterizin il teritori, a puartin i spetatôrs a discuvierzi cinc ativitâts sportivis diferentis, e cun chês si va indentri a plen tal ambient naturâl dulintor e si esplorin lûcs che se no a saressin cuasi inacessibii.
Tra lis particolaritâts dai sports protagoniscj de serie, la “spetacolaritât” e il plen rispiet pal teritori a son i elements che a vegnin fûr des intervistis fatis ai sportîfs e de sperimentazion direte des dissiplinis di bande dai stes presentadôrs dal program.
In ogni pontade, il viaç dentri di un microcosmi fat di personis, lûcs e ativitâts si siere cu la discuvierte di contescj particolârs di ospitalitât turistiche, sedi di un pont di viste culturâl, che di ambient e di teritori.
La trasmission e je caraterizade di un lengaç televisîf svelt e moderni e e je condusude in lenghe furlane.

Parecleve a motôr te Val di Incjaroi
Ta cheste pontade si concedìn une cjalade dal alt sul Friûl midiant des peraulis e des imagjins dal “Fly Team” di Paulâr e dal “Gruppo Volo Nido delle Streghe” di Trep di Cjargne. Une maniere par cognossi il paisaç de Cjargne dal cîl, là che l’aiar ti cjarece la muse e là che la sensazion di libertât e involuce cui che al svole cul parecleve a motôr. La armonie cun se stes e cu la nature dulintor al è il don che ti fâs la pratiche di chest sport che al insiore lis emozions ma che al rapresente ancje – cemût che o viodarìn -  un valôr pe coletivitât.
Chiara Di Ronco, Endo Morocutti, Gianluca Di Giorgio, Therry Del Negro, a contin a Paulâr, intal incjant de Val di Incjaroi, lis sensazions dal svol e lis carateristichis dal parecleve a motôr.
 
Diretôr di produzion: Paolo Cantarutti
Coordenadore de edizion: Federica Vincenti
A presentin: Francesca Battistutta e Cristian Pressacco

Ta cheste pontade:
Chiara Di Ronco
Endo Morocutti
Gianluca Di Giorgio
Therry Del Negro
(www.nidodellestreghe.it)
(Fly Team Paularo)
 
Trasmetude da RAI 3 Regjonâl intal 2015 e intal 2016.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device