Âf blu

Lis aventuris de âf blu

Ideât e realizât di:
Serena Di Blasio (scriture e senegjature)
Giulia Spanghero (dissens)
Giorgio Cantoni (animazion)

Une produzion:
CTA - Centro Teatro Animazione e Figure, Gurize
cul sostegn di ARLeF - Agjenzie Regjonâl pe Lenghe Furlane

Durade: 6'
An: 2015


La storie e conte lis aventuris di une âf blu, colôr une vore strani par une âf. La âf blu e nas intun bôç une vore simil a tancj altris, cu lis sôs regulis sociâls e la sô division rigorose dal lavôr. La âf blu, che sul imprin no je buine di fâ nissune vore che i ven dade dentri dal bôç, e stente a cjatâ une sô funzion. E ven tolerade, ma ignorade di chês altris âfs. Par chest une dì la âf blu si fâs cûr fuart e e decît di lassâ il bôç e lâ vie par cognossi il mont. Il so viaç “iniziatic” le puartarà a cognossi no dome chês altris creaturis dai prâts, ma ancje (e soredut) se stesse e lis sôs peculiaritâts.
Dal svuarbecjavai braurin e scuvierç cemût che il blu al podedi jessi un colôr une vore bramât; il çupet, instabil e noiôs, le cjape par un moscjon; une margarite grande le protêç pe gnot; il savi chebar le confuarte e i lasse un messaç di sperance: “cualchi volte te convivence e je fuarce la diference”.
La âf blu, tal ultin, e scuvierç che un trop di avons al vûl atacâ il so bôç. Par salvâ lis sôs sûrs la âf blu e riscje la vite ma, cuntune buine pensade che e metarà in vore dut ce che e à imparât, e rivarà a parâ vie i avons. La âf blu e vuadagne cussì la stime e il rispiet tal so bôç.

Ideât e realizât di:
Serena Di Blasio (scriture e senegjature)
Giulia Spanghero (dissens)
Giorgio Cantoni (animazion)
 
Cu la colaborazion di:
Michele Polo (traduzion par furlan)
Matteo Sgobino (musichis origjinâls)
 
Adun cun:
Nicoletta Oscuro (vôs)
Didier Ortolani (musicist)
Alessandro Turchet (musicist)
 
Une produzion:
CTA - Centro Teatro Animazione e Figure, Gurize
cul sostegn di ARLeF - Agjenzie Regjonâl pe Lenghe Furlane
 
Par informazions:

www.ctagorizia.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device