99 PERAULIS

Fevelâ cul mont / Parlare con il mondo / Talking to the world

Silvana Schiavi Fachin

99 PERAULIS: Fevelâ cul mont, Parlare col mondo, Talking to the world

99 PERAULIS editât di Futura Edizioni e realizât di Silvana Schiavi Fachin cul jutori de ARLeF, al è un strument didatic in forme di scjatule, cun 99 cjartis di zûc e ancjetantis peraulis dissegnadis dai fantats dal Centri Diurni Punto Zero cu la colaborazion de ilustradore Patrizia Geremia. 99 Peraulis al promôf la educazion pluriculturâl e interculturâl tant che fonde di un percors educatîf plurilengâl e al è pensât par judâ i frutins e i fantats des nestris scuelis a cressi cence prejudizis e stereotips, ma ancje braurôs dai valôrs alts de lôr tradizion storiche e culturâl. Lis peraulis, i proverbis, lis cjançons… a son declinâts in 15 lenghis: cun di fat l’obietîf didatic al è chel di puartâ i fruts de scuele de infanzie e primarie, in maniere divertente, ae discuvierte graduâl des analogjiis e des diferencis che a esistin fra lis diferentis visions dal mont, i diviers compuartaments, lis crodincis e lis opinions dai popui de Tiere e a ricognossi lis corispondencis o lis diferencis che a esistin jenfri i elements lessicâi che lis lenghis a doprin par pandi la diversitât culturâl e di pinsîr. L’ûs didatic dal zûc al pues partî dai dissens par scuvierzi ce che i fruts a san za su lis robis o su lis ilustrazions, lassantjur che a fevelin te lenghe che a cognossin miôr: par furlan o talian, ma ancje doprant chê altris lenghis che a fevelin a cjase (par esempli un dialet locâl o di une altre regjon, une altre lenghe dal teritori tant che il sloven o il todesc) o une des lenghis de gnove imigrazion (l’albanês, il cravuat, il rumen).

Dongje dal libri/zûc cu lis 99 peraulis Futura e à realizât une schirie di materiâi di pueste pe ativitât didatiche in classe:
  • lis 99 schedis zigantis pes ativitâts didatichis in aule;
  • un CD-ROM cul libri/zûc cu lis 99 peraulis, i file singui des 99 cjartis di proietâ o par realizâ ativitâts didatichis cu la L.I.M., e i 99 dissens in blanc e neri di stampâ e colorâ.
Par informazions contatâ la Futura Coop. Sociale ONLUS.

Detais

Futura Coop. Sociale ONLUS
via Pescopagano nr.6 - ZIPR
33078 S.Vito al Tagliamento (PN)

futuracoopsociale.it
emporiofutura.com

 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device