Vuide pai insegnants

Cemût sostignî l’insegnament des abilitâts di scriture tes lenghis minoritariis dai fruts bilengâi

MacNeil, Schiavi Fachin, Nicoloso

Te suaze di un percors di educazion plurilengâl, la ARLeF e à sostignude la publicazion di Aghe sute, aghe bagnade tai doi volums – un cu la storie dai fruts e un cu la vuide pai insegnants - che e mostre il progjet european di ricercje indreçât a sostignî e a svilupâ la ativitât di scriture creative colegjâl tes lenghis minoritariis. Il progjet, finanziât de Comission Europeane tai agns 1999/2000 e coordenât di Morag M. MacNeil, al à coinvolzût la scuele elementâr di Bordan (furlan), une scuele di Dublin (Gaeilge), une scuele de isule de Scozie Isle of Lewis (Gaelic) e une scuele di Carmarthenshire in Galles (Welsh). Il lavôr al à previodût la scriture di dôs storiis: une dal grup (i fruts di Bordan par Aghe sute, aghe bagnade a son stâts coordenâts des mestris Laura Nicoloso e Vianella Maestra) e une coletive scrite un cjapitul parom di ducj i fruts de rêt. La rêt di scuelis e à doprât l’inglês come lenghe di comunicazion comun e ducj i materiâi a son stât realizâts par inglês e tes lenghis dal ambient. Te Vuide pai insegnants curade di Morag M. MacNeil, Silvana Schiavi Fachin e Laura Nicoloso si pues aprofondî il percors dal progjet e seguî dutis lis voris: de struture dal progjet, i obietîfs, i lavôrs tai grups classe fin ai esits di aprendiment e ai risultats finâi.

Detais

2009 Vuide pai insegnants bilengâl + Libri pai fruts - pp. 36 e pp. 48
ARLeF Agjenzie Regjonâl pe Lenghe Furlane

Par cure di: Morag MacNeil, Silvana Schiavi Fachin e Laura Nicoloso
Revision de grafie: Cinzia Petris
Stampe: Lithostampa Pasian di Prât

Distribuzion: www.arlef.it

 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device