fbpx

Libris

Aghe sute, aghe bagnade

Te suaze di un percors di educazion plurilengâl, la ARLeF e à sostignude la publicazion di Aghe sute, aghe bagnade tai doi volums – un cu la storie dai fruts e un cu la vuide pai insegnants – che e mostre il progjet european di ricercje indreçât a sostignî e a svilupâ la ativitât di scriture creative colegjâl tes lenghis minoritariis. Il progjet, finanziât de Comission Europeane tai agns 1999/2000 e coordenât di Morag MacNeil, al à coinvolzût la scuele elementâr di Bordan (furlan), une scuele di Dublin (Gaeilge), une scuele de isule de Scozie Isle of Lewis (Gaelic) e une scuele di Carmarthenshire in Galles (Welsh). Il lavôr al à previodût la scriture di dôs storiis: une dal grup e une coletive scrite un cjapitul parom di ducj i fruts de rêt. La rêt di scuelis e à doprât l’inglês come lenghe di comunicazion comun e ducj i materiâi a son stât realizâts par inglês e tes lenghis dal ambient. Il risultât che o podês lei e je la storie scrite par furlan dai fruts di Bordan coordenâts des mestris Laura Nicoloso e Vianella Maestra, compagnade de Guide pai insegnants curade di Morag M. MacNeil, Silvana Schiavi Fachin e Laura Nicoloso.

Detais

2009 Libri pai fruts – pp. 48
ARLeF Agjenzie Regjonâl pe Lenghe Furlane
Responsabile sientifiche: Silvana Fachin Schiavi
Coordenament editoriâl Laura Nicoloso
Ilustrazions: Federica Pagnucco
Revision de grafie: Stefania Garlatti Costa
Stampe: Lithostampa Pasian di Prât
Distribuzion: www.arlef.it

Fruts e frutis de scuele primarie di Bordan
Discjame

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304