Musiche

Il Friûl al è un contignidôr unic di incuintris e scuintris tra realtât, storie, culture, lenghe, etniis diferentis tra di lôr. Un cuadri di riferiment cussì vari al à creât, vie pai ultins decenis, teren bon par une propueste musicâl ancjetant siore e svariade dulà che vuê si puedin ancjemò cjatâ lis olmis di un passât contadin e de sô tradizion orâl dongje de sperimentazion artistiche musicâl che fâs des sôs lidrîs culturâls un element dispès indispensabil. La musiche furlane contemporanie e risulte influençade di modei musicâi che si son afermâts vie pai ultins trente agns: de ‘cjançon melodiche ae taliane’ ae cjançon di autôr, dal cussì clamât revival folk ai ‘cjançonîrs’ politics. Interessant ancje il fenomen resint de Gnove musiche furlane che si è svilupât scomençant dai agns Novante, dulà che si pues cjatâ cetancj gjenars: la cjançon di autôr, l’etno folk/rock, il jazz etnic e lis plui resintis tindincis rock, rap e eletronichis. 
Une stagjon feconde di cjançons, di musichis e di musiciscj che a àn scrit une pagjine fondamentâl de culture furlane contemporanie fasintle vivi tal presint cun esperiencis che a àn puartât la lenghe, la storie, la culture stesse a confrontâsi cun altris lengaçs.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device