Aministrazion Publiche

Di cuant che e je jentrade in vore la leç 482/99 pe tutele des minorancis linguistichis storichis, lis lenghis minoritariis a son jentradis in maniere uficiâl tra lis ativitâts des Aministrazions Publichis che a son tai teritoris delimitâts. Cualchi forme di tutele pe lenghe furlane le veve za previodude la leç regjonâl 15/96, ma dome pai ents locâi.
La leç 482/99, in particolâr, e da ai citadins che a fasin part de minorance linguistiche furlane, il dirit di vê rapuarts cui ents publics, sedi in forme orâl che scrite, doprant la proprie lenghe. Par chest la leç e da finanziaments par assumi personâl cualificât, preparâ la modulistiche bilengâl, formâ il personâl dipendent e creâ struments informatics che a permetin di doprâ il furlan tai rapuarts cu la Aministrazion Publiche.
Cun di plui la leç e garantìs la tutele de lenghe cul ‘bilinguisim visîf’, preparant la segnaletiche interne bilengâl e metint lis indicazions stradâls cul toponim furlan dongje di chel talian. Lis Aministrazions Publichis dal teritori a àn mostrât sensibilitât viers la tutele linguistiche e, osservant i progjets realizâts fin cumò e i programs in cors, si pues dî che la valorizazion dal furlan te ativitât aministrative e je avonde presinte. Ancje la analisi dai statûts dai ents locâi dal Friûl e conferme l’interès pe lenghe locâl, stant che la plui part di chei e previôt formis di ricognossiment e di promozion.
Il dirit di doprâ il furlan cu la Aministrazion publiche al è stât infuartît inmò di plui in graciis de L.R. 29/2007 "Normis pe tutele e valorizazion e promozion de lenghe furlane" che tal art. 27 e previôt - pe Regjon, pai ents locâi e pai concessionaris di servizis publics - ancje la predisposizion di Plans Speciâi di Politiche Linguistiche (PSPL) cuincuenâi che, su la fonde dal Plan Gjenerâl di Politiche Linguistiche (PGPL) fat bon de Regjon, a stabilissin i progjets obietîf di rivâ an par an, in maniere progressive, te suaze di ogni aree di intervent.

ATS RELATÎFS AE DELIMITAZION TERITORIÂL PE APLICAZION DE L.482/1999

Provincie di Gurize

Delibare n. 03 daixxxxx
Delibare n. 13 dai 11.07.2002 (slo)
Delibare n. 06 dai 12.03.2003 (comun Monfalcon)
Delibare n. 28 dai 24.11.2003 (comun Sagrât)

Provincie di Udin

Delibare n. 91 dai 15.12.2000 (fur)
Delibare n. 33 dai 26.04.2001 (slo)
Delibare n. 86 dai 26.11.2003 (comun Malborghet)

Regjon Autonome Friûl Vignesie Julie

DPZR n. 412 dai 13.11.1996
DPZR n. 160 dai 20.05.1999
Delibare n. 2680 dai 03.08.2001 Ricognizion

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device