Scuele di Avost 2018

Docuscuele, il Centri di documentazion, ricercje e sperimentazion didatiche pe lenghe furlane - un progjet realizât de Societât Filologjiche Furlane e finanziât de ARLeF e de Regjon Friûl Vignesie Julie, al inmanee la seconde edizion di Scuele di Avost: un percors di formazion articolât e increditât daûr des Liniis Vuide MIUR 2016-2019, che si fasarà a Aplis di Davâr, dai 27 ai 29 di Avost dal 2018.

Il program al previôt lezions frontâls cun esperts docents de Universitât e professioniscj che a fasaran aprofondiments di linguistiche, gramatiche, leterature e didatiche, cun  ativitâts di laboratori che a permetaran di cognossi e meti in pratiche metodologjiis inovativis e buinis pes diferentis etâts dai students.
La partecipazion e je libare e gratuite: i insegnants interessâts a puedin iscrivisi a dut il percors formatîf, dome a une zornade o dome a une o plui lezions e al è pussibil fermâsi e stâ te stesse struture dulà che si ten il cors o in struturis dongje. La prenotazion e lis spesis par durmî e par mangjâ a son a caric di ognidun dai partecipants.

Si domande di segnâsi ae iniziative (specificant i laboratoris sielts) dentri di lunis ai 20 di Avost midiant de schede di iscrizion disponibile tal sît www.scuelefurlane.it. La schede e va compilade e inviade ae direzion info@scuelefurlane.it: la iscrizion e je valide dome se us rivarà une rispueste di conferme, sedi no si pues clamâ il numar 0432.501598 (int.5). La iniziative e previôt massime 100 iscrits.

Al è disponibil ancje il servizi dal Centri Estîf di Tumieç par intratignî i fruts (dai 3 ai 11 agns) tes oris des lezions. Il servizi al è organizât de cooperative sociâl Maciao che si pues contatâ al n. 0433 468141 par acuardis direts (la cooperative e je sierade par feriis dai 13 ai 17 di Avost).
Par informazions si pues fâ riferiment ae dot.e Antonella Ottogalli, clamant des 9:00 aes 13:00 dal lunis al vinars al 0432.501598 - int. 5 o scrivint une mail a info@scuelefurlane.it.

Il program di Scuele di Avost:

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device