MARILENGHE & MARISCUELE

Cuarte zornade de scuele furlane

“Furlan: lenghe veicolâr”

Iniziative di formazion increditade daûr des Liniis Vuide MIUR 2016-2019, cun atestât di frecuence

Sabide ai 8 di Avrîl, des 8.30, te suaze de Fieste de Patrie dal Friûl, tal Teatri Civic Benois De Cecco a Codroip.

E je in program par Sabide ai 8 di Avrîl dal 2017, li dal Teatri Civic Benois De Cecco, in vie XXIX ottobre, 1 a Codroip, la cuarte zornade de scuele furlane cuntun program prontât ae praticitât tal frontâ l’insegnament dal furlan a scuele.
La iniziative e je organizade dal Comun di Codroip e dal Istitût Comprensîf di Codroip, in colaborazion cun “Docuscuele”, il gnûf Centri di documentazion, ricercje e sperimentazion didatiche nassût daûr de volontât dal Assessorât regjonâl ae Istruzion e di une intese tra Agjenzie Regjonâl pe Lenghe Furlane e Societât Filologjiche Furlane; cun di plui e je la colaborazion dal I.I.S. J. Linussio di Codroip e dai Comuns di Bertiûl e di Cjamin dal Tiliment e il contribût economic de Regjon Autonome Friûl Vignesie Julie e de ARLeF. L’event al gjolt dal patrocini dal Consei Regjonâl, dal ufici Scolastic Regjonâl, de Provincie di Udin, de Universitât dal Friûl, de Universitât Ca’ Foscari di Vignesie e de Aziende pe Assistence Sanitarie n. 3 Friûl de Alte, Colinâr, di Mieç.

Une vore interessante e sarà la part seminariâl che e scomençarà cun Carmen Mary Coonan, docente di didatiche des lenghis forestis li de Universitât Ca’ Foscari di Vignesie, che e fevelarà dal potenziâl dal CLIL pe promozion dal aprendiment de lenghe; po dopo Gloria Aita, de Jurie dal premi Chino Ermacora, e presentarà il premi tant che ocasion juste par fâ cognossi il lavôr de scuele furlane e in fin Walter Tomada.
Fondamentâi i lavôrs di grup cun zîrs di taule su “Il DOCUSCUELE che o volìn. Ideis, propuestis, sugjeriments par meti sù insiemi il gnûf “Centri di documentazion pe scuele furlane”, li che i insegnants a podaran dâ un lôr contribût ae incressite di cheste gnove comunitât de scuele.

Tal dopomisdì des 14.00 si davuelzaran 6 laboratoris in simultanie, in sedis diferentis, dividûts par argoments e par nivei scolastics di insegnament.

Discjame chi dut il program

Par cuistions organizativis si domande di segnâsi dentri di joibe ai 6 di Avrîl scrivint une mail di conferme a: sportel@comune.codroipo.ud.it - info@scuelefurlane.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device