Leeuwarden 2018

Leeuwarden, capitâl de Frisie, in Olande, e je stade nominade Capitâl europeane de culture pal 2018. Tra lis tantis ativitâts in vore vie pal an te citadine, al è ancje un spazi speciâl, curât di Afûk (la organizazion pe promozion de lenghe e de culture frisone), dedicât aes lenghis, e in particolâr a chês piçulis, di dute Europe.
Dai 12 ai 19 di Avost, intal Prinsentuin di Leeuwarden, dentri tal MeM, il paveon des lenghis minoritariis e regjonâls, dulà che ogni setemane e je protagoniste une lenghe diferente, e sarà la volte dal furlan. Il program al previôt la esposizion de mostre "Furlan, Lenghe de Europe", promovude de ARLeF e curade dal diretôr William Cisilino. La mostre, componude di 14 panei (cun tescj par furlan e par inglês), che e ilustre la identitât e il contest storic e socioculturâl de lenghe furlane, si podarà visitâ dai 14 ai 18 di Avost, des 12.00 aes 18.00.

Dilunc de setemane, ancje la musiche e sarà protagoniste, graciis ae presince dal rapper furlan Dj Tubet, che ogni dì si esibirà in concierts e performances cun altris grups e artiscj e al fasarà un laboratori fevelant di musiche, lenghe e culture furlanis: ai 12 di Avost, Dj Tubet al sarà presint al dopomisdì asturian - furlan e si esibirà insiemi ae band asturiane Xera - Raíz; ai 15 di Avost, Dj Tubet al fasarà un laboratori pedagogjic sull'hip hop, compagnantlu cuntun pôc di freestyle; ai 16 di Avost, il rapper furlan si esibirà insiemi ae band frisone Jolly F, e al sierarà la setemane furlane cu la performance dai 19 di Avost insiemi ae comunitât des Antillis a Leeuwarden.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device