La ARLeF a Vicino/Lontano

Intal cûr dal Festival, la ARLeF e promôf “Maman! La cjasute dai fruts curiôs”, un spazi dedicât ai fruts di “vicino/lontano” e ai lôr amîs par divertîsi in compagnie dai protagoniscj di “Maman!”, la prime trasmission televisive par furlan che e va in onde ducj i vinars su Telefriuli.
La presentadore Daria Miani e il Mâc Deda a dan apontament ai plui piçui intal spazi de Librarie Mondadori in vie Savorgnana 16/b (place Venerio).
A saran zûcs di ilusion e magjiis fantastichis, lis pontadis televisivis di “Maman!” i cartons animâts di Omenuts, la Pimpa e Âf blu, leturis animadis, dissens di colorâ, zûcs a premis e gadgets par ducj.
Vinars ai 12 di Mai dal 2017 des 17 aes 19.00; sabide apontament dopli, des 10.00 aes 12.00 e des 17 aes 19.00.
Il program curât de ARLeF al previôt ancje un apontament inte serade di Sabide ai 13 di Mai, aes 20.30 inte Glesie di Sant Francesc, cun “INT/ART Sintî locâl - Agjî globâl” la proiezion di cinc documentaris monografics in lenghe furlane dedicâts aes storiis di zovins artiscj furlans tra l'amôr pe art e la identitât culturâl e linguistiche.
A saran presints il regjist Dorino Minigutti, Lorenzo Fabbro e i protagoniscj de serie: Rudy Citossi, Dek Ill Ceesa, Caia Grimaz, Alessandro Mansutti e Elsa Martin.

Discjame chi il nestri program

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device