INT/ART

Il progjet INT/ART, fat de societât Agherose  cul contribût de ARLeF (Agjenzie Regjonâl pe Lenghe Furlane) e dal Fonts regjonâl pal Audiovisîf, si articole in trê seriis di cinc pontadis: musiche, arts visivis, scriture, teatri e danze. La prime serie e à tant che protagoniscj i musiciscj des ultimis gjenerazions, che a spaziin dal virtuosisim esecutîf ae origjinalitât dai tescj; de vocazion a contâ la proprie tiere ae capacitât di strissinâ il public dilunc des prestazions.
INT/ART al vûl stimolâ une riflession su la influence e sul rûl che la identitât linguistiche e culturâl a àn pai zovins creatîfs intes diviersis dissiplinis artistichis.
Ce vuelial dî jessi artiscj zovins inte provincie europeane? Trop isal complès esprimi la proprie creativitât intune lenghe minoritarie? La lenghe puedie determinâ une divierse sensibilitât artistiche? Cemût si cumbinino lis propriis lidrîs culturâls cul bisugn di contaminazion e di inovazion? A son chestis cualchidune des domandis che il progjet INT/ART al vûl cirî rispueste.
 
Graciis ae colaborazion cu la sede Rai pal Friûl-VJ, la prime serie (3 pontadis cun 5 intervistis) e sarà trasmetude cun chest calendari:
Dek Ill Ceesa (rapper)e Elsa Martin(cjantante), domenie ai 12 di Fevrâr aes 10.35, Rai3; in repliche, miercus ai 15 di Fevrâr, aes 21.50, Rai3 bis;
Rudy Citossi (cjantautôr) e Caia Grimaz (cjantante), domenie ai 19 di Fevrâr, aes 10.35, Rai3; in repliche, miercus ai 22 di Fevrâr, aes 21.50, Rai3 bis;
Alessandro Mansutti (baterist), domenie ai 26 di Fevrâr, aes 10.50, Rai3; in repliche, miercus prin di Març, aes 22.05, Rai3 bis.

CREDITS:
Regjie: Dorino Minigutti
Subiet: Giorgio Cantoni, Dorino Minigutti
Diretôr de fotografie: Debora Vrizzi
Aiût operadôr: Francesco Snidero
Fonic: Francesco Morosini, Havir Gergolet
Montaç: Andrea Guarascio
Musichis: AAVV
Ricercjis: Giorgio Cantoni
Web: Remigio Guadagnini
Social web: Elena Buzzinelli
Produzion: Agherose s.r.l.
Formât: Full-HD
Durade: 13'
Numar pontadis: 15
Lenghe origjinâl: furlan
Sottitui: talian
An produzion: prime serie 2016
Progjet fat cul contribût di: ARLeF, Fonts regjonâl pal Audiovisîf

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device