INT/ART

Il progjet INT/ART, fat de societât Agherose cul contribût de ARLeF (Agjenzie Regjonâl pe Lenghe Furlane) e dal Fonts regjonâl pal Audiovisîf, si articole in trê seriis di cinc pontadis: musiche, arts visivis, scriture, teatri e danze.
INT/ART al stimole une riflession su la influence e il rûl che la identitât linguistiche e culturâl a àn pai zovins creatîfs, indagant cetant che la lenghe e puedi determinâ une divierse sensibilitât artistiche e cetant che al puedi jessi complès esprimile in lenghe minoritarie.

Dopo il sucès de prime serie dedicade ai protagoniscj de musiche, la seconde e cjape in considerazion il mont des arts visivis: de fotografie ae sculture, passant pal fumet, la grafiche e la art instalative e performative. Protagoniscj des cinc pontadis a son il scultôr Edi Carrer, la fotografe Alice Durigatto, la ilustradore Carin Marzaro, l'artist visîf Michele Bazzana e Luca Malisan, fumetist.

Il progjet di INT/ART al rapresente une produzion che, confermant l’estri creatîf e la alte professionalitât dai produtôrs indipendents furlans, la ARLeF e à sostignût par vie che al è un progjet glocal, furlan pe lenghe veicolâr, ma internazionâl pai temis e la puartade divulgative, duncje preseabil ancje fûr dal Friûl. Il so contignût culturâl origjinâl e di cualitât assolude, pensât sedi pe television che pal web, al à meretât duncje ancje la poie dal Fonts regjonâl pal Audiovisîf, che al à il compit  de poie prioritarie ae produzion locâl di nivel.

Dopo de musiche e des arts visivis, e je previodude in curt la produzion de tierce serie: scriture, teatri e danze.

Graciis ae colaborazion cu la sede Rai pal Friûl - Vignesie Julie, lis pontadis a laran in onde sù RAI3 tacant di domenie ai 25 di Març.
Lis 5 pontadis (13 minûts ognidune) a saran mandadis in onde daûr di chest calendari: Edi Carrer, domenie ai 25 di Març, aes 10.50, Rai 3, in repliche, miercus ai 28 di Març, aes 22.05, Rai 3 Bis CH. 103; Alice Durigatto, domenie al 1n di Avrîl, aes 10.50, Rai 3, in repliche, miercus ai 4 di Avrîl, aes 22.05, Rai 3 Bis CH. 103; Carin Marzaro, domenie ai 8 di Avrîl, aes 10.50, Rai 3, in repliche, miercus ai 11 di Avrîl, aes 22.05, Rai 3 Bis CH. 103; Michele Bazzana, domenie ai 15 di Avrîl, aes 10.50, Rai 3, in repliche, miercus ai 18 di Avrîl, aes 22.00, Rai 3 Bis CH. 103; Luca Malisan, domenie ai 22 di Avrîl, aes 10.50, Rai 3, in repliche, miercus ai 25 di Avrîl, aes 22.05, Rai 3 Bis CH. 103.


CREDITS:
Regjie: Dorino Minigutti
Subiet: Giorgio Cantoni, Dorino Minigutti
Diretôr de fotografie: Debora Vrizzi
Aiût operadôr: Francesco Snidero
Fonic: Francesco Morosini, Havir Gergolet, Marco Cecotto
Runner: Filippo Minigutti
Montaç: Andrea Guarascio
Aiûts tal montaç: Lorenzo Fabbro, Rebecca Colle
Musichis: AA.VV
Ricercjis: Giorgio Cantoni
Web: Remigio Guadagnini
Social web: Sergio Floriani
Formât: 4K
Durade: 13'
Numar pontadis: 5
Lenghe origjinâl: furlan
Sottitui: talian
An produzion: 2017
Produzion: Agherose srl
Progjet fat cul contribût di: ARLeF, Fonts regjonâl pal Audiovisîf

Plui informazions su:
www.int-art.eu   
www.facebook.com/intartdoc

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device