"INCUINTRI AL DOMAN" - Imni uficiâl dal Friûl

Sabide ai 6 di Otubar dal 2018, al è stât presentât l'imni uficiâl dal Friûl: Incuintri al a doman.

Il video de prime esecuzion al è disponbil achì.

Discjame l'audio in alte definizion dal Imni.

Dopo cualchi mês di lavôr intens, la prime esecuzion e je stade fate intal Domo di Lignan, in ocasion dal conciert de Mitteleuropa Orchestra. Prime di cheste opere, in maniere significative, e je stade eseguide la Novesime sinfonie di Beethoven, che e conten l'”Imni ae gjonde”, che al è l’Imni de Europe Unide. La esecuzion vocâl e sarà dal Coro del Friuli Venezia Giulia, diret dal mestri Cristiano dell’Oste.

Chest al è stât l’at conclusîf di un progjet promovût dal Istitût Ladin Furlan “Pre Checo Placerean” e dal Messaggero Veneto, in colaborazion cu la ARLeF.  Il toc vincidôr dal concors al jere stât anunziât in ocasion de Fieste di Patrie dal Friûl, che si è tignude a Voleson Darzin intal Avrîl stât.

L'imni che, pe part testuâl, al è stât scrit di Renato Stroili Gurisatti, al è stât selezionât di une jurie di esperts tant che il miôr fra i 10 presentâts, marcant che “la musiche e il test si integrin a vicende, midiant di une scriture vocâl e strumentâl di grant respîr e di slanç di cjant potent”. L'autôr des musichis al è il mestri e compositôr Valter Sivilotti che al sclarìs trop che la melodie e sedi significative pal teritori e caraterizade di un andament Mitteleuropean.

Chestis lis peraulis di Incuintri al doman



In cheste sezion, al è pussibil scjariâ i spartîts in 12 declinazions, di doprâ intes ocasions uficiâls li che lis comunitâts furlanofonis a son cjapadis dentri.

Si pues scoltâ ancje une anteprime dal motîf musicâl, sunade dal mestri Valter Sivilotti.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device