In ARLeF, il servizi civîl al fevele furlan

Doi puescj par zovins volontaris impegnâts te progjetualitât de Agjenzie.
 
Ai 26 di Jugn dal 2017, aes 14.00, al scjât il tiermin par candidâsi a fâ il servizi civîl in ARLeF. I zovins in servizi a saran impegnâts in ativitâts istituzionâls di promozion de lenghe furlane e a colaboraran cun chei altris components dal grup di vore de Agjenzie in funzion dai progjets di promozion che a saran ativâts vie pal an. A saran presints in events specifics, a colaboraran ae creazion e ae difusion di gnûf materiâl informatîf cu lis lôr ideis e propuestis e a saran di supuart aes iniziativis che a podaran jessi inviadis de ARLeF dilunc dai mês.
A puedin partecipâ ae selezion i citadins europeans, oms e feminis che, ae date di presentazion de domande, a vedin finît 18 agns e no vedin passât i 28. In particolâr, si domande la cognossince de lenghe furlane, cognossincis informatichis di base, buinis capacitâts di comunicazion. La sede dal servizi e sarà chê de ARLeF, a Udin e la durade di 12 mês, fin a un massim di 1.400 oris. Ai volontaris ur spiete un assegn mensîl di 433,80 euros a net.
 
La domande di partecipazion aes selezions, compagnade di une fotocopie di un document di identitât personâl valit e de schede dai dâts relatîfs ai titui, e larà indreçade ae ARLeF (vie della Prefettura 13, 33100 Udin, tel. 0432 555812) e e varà di rivâ dentri des 14.00 dai 26 di Jugn dal 2017. Si pues presentâ dome une domande di partecipazion par un unic progjet di Servizi civîl nazionâl, di sielzi tra chei che a son dentri tal bant nazionâl o tai bants regjonâi, se no si ven escludûts. La domande e podarà jessi inviade vie PEC ae direzion arlef@certgov.fvg.it; vie racomandade A/R o consegnade a man.
 
Par informazions di pues scrivi a william.cisilino@regione.fvg.it o fâ riferiment ai sîts www.arlef.it, www.infoserviziocivile.it e www.serviziocivile.gov.it.

Discjame chi la documentazion par presentâ la domande:
Domande di amission
Declarazion

 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device