FURLAN, LENGHE DE EUROPE

“Furlan, Lenghe de Europe” e je une mostre itinerante promovude de ARLeF, cu la poie de Regjon Friûl – Vignesie Julie e curade dal diretôr William Cisilino.
E je une esposizion che e ilustre la identitât, il contest storic e socioculturâl de lenghe furlane e la politiche linguistiche metude in vore sul teritori furlanofon. E propon al visitadôr informazions claris e puntuâls, doprant un lengaç imediât, supuartât di un aparât iconografic siôr .
La mostre e à tocjât za diviersis tapis: dopo jessi stade screade a Bruxelles, li dal Ufici di colegament de Regjon F-VJ, dulà che e je restade esponude dai 27 di Otubar ai 18 di Novembar dal 2016, e je stade puartade a Teramo, dai 7 ai 16 di Dicembar dal 2016, in ocasion de cunvigne internazionâl “Valutare le politiche linguistiche. Quali obiettivi, criteri, indicatori". Chês altris sedis espositivis a son stadis chês di Sapade, dai 26 di Març ai 9 di Avrîl dal 2017, pe Fieste de Patrie dal Friûl 2017; Merêt di Tombe, dai 10 ai 20 di Mai dal 2017, pe Setemane de culture furlane; Cormons, dai 20 di Mai ai 2 di Jugn dal 2017, in ocasion de Fieste da Viarte e cumò e sarà a Udin, dai 7 ai 10 di Setembar dal 2017 par Friuli Doc.

Al è pussibil prenotâ la mostre, contatant chescj riferiments:
ARLeF – Agjenzie Regjonâl pe Lenghe Furlane
0432 555812
arlef@regione.fvg.it

Chi tu cjatis la schede tecniche, cun ducj i detais de mostre e il depliant:
Schede "Furlan, Lenghe de Europe"
Depliant "Furlan, Lenghe de Europe"
 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device