Fieste de Patrie dal Friûl 2016: bant pai Ents locâi

ARLeF: bant di 30.000 euros pe Fieste di Patrie dal Friûl
A son dedicâts ai ents locâi. La scjadince des domandis e je fissade pai 7 di Març dal 2016


La ARLeF (Agjenzie Regjonâl pe Lenghe Furlane), in atuazion aes normis de L.R. n. 6 dai 27 di Març dal 2015, te suaze dal program anuâl aprovât di pôc de Zonte regjonâl, al sosten la realizazion di manifestazions culturâls pe celebrazion de “Fieste de Patrie dal Friûl” (ai 3 di Avrîl dal 2016) inmaneâts dai ents locâi in colaborazion cu lis Pro Loco e altris sogjets publics e privâts cence fins di vuadagn o cun finalitâts mutualistichis, metint a disposizion un totâl di 30.000 euros.
A puedin acedi ai stes ducj i ents locâi che a àn la proprie sede legâl intun dai comuns cjapâts dentri tai teritoris des provinciis di Gurize, Pordenon e Udin.
A saran finanziadis lis ativitâts culturâls finalizadis ae celebrazion de “Fieste de Patrie dal Friûl” par ricuardâ e par valorizâ lis origjins, la culture e la storie di autonomie dal popul furlan: iniziativis indreçadis a fâ cognossi e/o aprofondî la lenghe, la storie e la culture furlanis, cjapant dentri soredut i zovins; iniziativis indreçadis a difondi la cognossince e l'ûs dai diferents struments linguistics informatics esistents, tant che il Grant Dizionari Bilengâl Talian Furlan o il Coretôr Ortografic Furlan; iniziativis indreçadis a fâ cognossi la leterature e la editorie in lenghe furlane; rapresentazions teatrâls e concierts musicâi di cualitât, in lenghe furlane; acuist e difusion di bandieris dal Friûl.
Dai 30.000 euros: 7.000 euros a son destinâts aes iniziativis culturâls propuestis des Provinciis furlanis (Gurize, Pordenon e Udin); 3.000 euros a son destinâts aes iniziativis culturâls proponudis dai Comuns cjâf lûc dal Friûl (Gurize, Pordenon e Udin); 20.000 euros a son destinâts aes iniziativis culturâls proponudis di chei altris ents locâi. Lis ativitâts culturâls a puedin jessi fatis di un ent locâl singul o di agregazions di ents locâi.
La domande e varà di rivâ, dentri dal tiermin perentori dai 7 di Març dal 2016, dome cun spedizion vie PEC ae direzion: arlef@certgov.fvg.it.
Par nissun motîf a saran cjapadis in considerazion domandis che a vessin di rivâ dopo dai tiermins stabilîts o cun altris modalitâts.
Il bant, il regolament e i modui si puedin scjariâ chi: 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device