FIESTE DE PATRIE DAL FRIÛL 2019 - BANT DEDICÂT AI ENTS LOCÂI

La ARLeF (Agjenzie Regjonâl pe Lenghe Furlane), in atuazion des normis de L.R. n. 6 dai 27 di Març dal 2015, inte suaze dal Program anuâl fat bon di pôc de Zonte regjonâl, e sosten la realizazion di manifestazions culturâls pe celebrazion de “Fieste de Patrie dal Friûl” (ai 3 di Avrîl dal 2019) di bande di ents locâi in colaborazion cu lis Pro Loco e altris sogjets publics e privâts cence fins di vuadagn o a fins mutualistics, metint a disposizion un totâl di 35.000 euros.
A puedin acedi al contribût ducj i ents locâi che a àn la lôr sede legâl intun dai comuns cjapâts dentri intai teritoris furlanofons “storics” des ex provinciis di Gurize, Pordenon e Udin.
 
Si puedin finanziâ ativitâts culturâls finalizadis ae celebrazion de “Fieste de Patrie dal Friûl” che a pontin a ricuardâ e a valorizâ lis origjins, la culture e la storie di autonomie dal popul furlan; iniziativis par fâ cognossi e/o a aprofondî la lenghe, la storie e la culture furlane, cu la partecipazion soredut dai zovins; iniziativis indreçadis a pandi la cognossince e l'ûs dai diviers struments linguistic informatics esistents, tant che il Grant Dizionari Bilengâl talian-furlan o il Coretôr Ortografic Furlan; iniziativis che a pontin a fâ cognossi la leterature e la editorie in lenghe furlane; rapresentazions teatrâls e concierts musicâi di cualitât, in lenghe furlane; acuist e difusion di bandieris dal Friûl.
Dai 35.000 euros a disposizion, 5.000 euros a son destinâts aes iniziativis culturâls proponudis dai Comuns di Udin e Pordenon, 27.500 euros a son destinâts aes iniziativis culturâls proponudis di altris ents locâi, altris 2.500 euros a son destinâts aes iniziativis culturâls proponudis di agregazions di ents locâi.
Lis ativitâts culturâls lis puedin davuelzi, dai 18 di Març ai 14 di Avrîl dal 2019, sedi un ent locâl singul che une agregazions di ents.

Il bant, il regolament e i modui pes domandis si puedin discjamâ dal sît de Agjenzie, sezion Bants garis avîs 2019.
 
Lis domandis a varan di rivâ, dentri dal tiermin perentori dai 20 di Fevrâr dal 2019, dome midiant di spedizion vie PEC ae direzion: arlef@certgov.fvg.it. Par nissune motivazion a saran cjapadis in considerazion domandis che a vessin di rivâ di là dal tiermin fissât o cun altris modalitâts.  Par dutis lis informazions sul bant, si pues telefonâ al 0432 555910, o scrivi a: federica.delpino@regione.fvg.it

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device