FESTIVAL DAI FRUTS FURLANS

Domenie ai 23 di Dicembar, aes 20.30, li dal teatri Palamostre di Udin, si fasarà la serade finâl dal Festival dai Fruts Furlans cu la partecipazion di 11 corâls di dut il Friûl e ospits speciâi che a animaran la serade.
Jentrade su invît.

La Associazion culturâl Assoeventi, cul contribût de ARLeF e in colaborazion cul Comun di Udin e cu la Associazion Semide, e istituìs e e organize la seconde edizion dal Festival dai Fruts Furlans, concors di cjant par composizions ineditis in lenghe furlane, interpretadis di côrs e di soliscj di vôs blancjis, cul acompagnament di une grande orchestre.
La iniziative e à la finalitât di sostignî la lenghe furlane, cjapant dentri massime i plui zovins, par che lis gnovis gjenerazions a puedin mantignî e alimentâ la identitât linguistiche che e caraterize dut il nestri teritori.
 
Art. 1 A son ametudis dome cjançons ineditis cun test in lenghe furlane.
 
Art. 2 A puedin partecipâ professioniscj e diletants, iscrits e no iscrits ae SIAE; i partecipants a puedin concori cuntun massim di dôs cjançons ineditis. A son esclududis lis personis che a colaborin, a cualsisedi titul, cu la Organizazion.
 
Art. 3 I elaborâts a àn di contignî:
 
a) gjeneralitâts, direzion di cjase e di pueste eletroniche, e telefon di ducj i autôrs;
 
b) il test leterari in trê copiis; il test al varà di ispirâsi a tematichis leadis al mont de infanzie e dai fruts;
 
c) un cd (no covente une regjistrazion professionâl) cun musiche e cjant, par mostrâ ae Jurie il just puartament de cjançon;
 
d) la partidure musicâl (facoltative);
 
e) une declarazion di acetazion integrâl dal bant, firmade;
 
f) in câs di plui autôrs, segnalâ l’autôr che al rapresentarà chei altris e chel al curarà i rapuarts cu la Organizazion.
 
Art. 4 I elaborâts a varan di rivâ, intune buste sierade, dentri di misdì di vinars ai 10 di Otubar dal 2018, ae direzion: ASSOEVENTI, via Trieste n. 203 - 34170 GORIZIA
In nissun câs si cjaparan in considerazion domandis rivadis dopo di chel tiermin, ancje se a son stadis inviadis prime de scjadince.
Par informazions: ass.assoeventi@libero.it, semide@libero.it; telefon: 335.8422298 - 3358410556 

Art. 5 Une comission di pueste, componude di esperts tal cjamp musicâl e leterari, e proviodarà ae selezion dai elaborâts rivâts.
 
Art. 6 Lis composizions sielzudis de Jurie di esperts a parteciparan ae finâl dal Festival che si davuelzarà al Palamostre di Udin, domenie ai 23 di Dicembar dal 2018. Te serade finâl, i tocs a saran eseguîts e interpretâts di côrs di vôs blancjis e di soliscj, compagnâts di une orchestre. Une comission componude di esperts, dongje di une jurie di fruts, e votarà lis cjançons presentadis al public e e decretarà la vincidore de seconde edizion dal Festival dai Fruts Furlans.
 
Art. 7 I partecipants al Concors si impegnin a no eseguî in public, a no stampâ o publicâ, ancje in edizions discografichis, lis composizions presentadis, fin ae conclusion dal Festival. No rispietâ chest articul al compuarte la esclusion dal concors.
 
Art. 8 Il Comitât organizadôr no si cjape nissune responsabilitât cui concorints tal câs che, par cualsisedi cause, la manifestazion no ves di davuelzisi.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device