Eumint  (Euroregjons, Migrazion e Integrazion)
 

Il progjet Eumint (Euroregjons, Migrazion e Integrazion) al à scomençât i lavôrs il 1n di Zenâr dal 2018 e al larà indevant par 30 mês, fin ai 2 di Lui dal 2020.
Lis ativitâts a àn l'obietîf di rinfuarçâ la cooperazion istituzionâl transfrontaliere intes provinciis di Bolzan e di Trent, intes regjons dal Friûl - Vignesie Julie e dal Venit e intai Lander austriacs di Tirôl e Carinzie, par frontâ lis sfidis di caratar sociâl, economic, politic e culturâl leadis ai fenomens migratoris.

Il progjet al cjape dentri istituzions comunâls, provinciâls, regjonâls e euro-regionâls intai trê ambits de cooperazion e integrazion transfrontaliere, de integrazion civiche e de integrazion lavorative.
A chest fin, a partecipin al progjet 18 partners, espression dai teritoris dulà che si fasin lis ativitâts:
- la GECT Euregio Senza Confini
- la Euregio Tirolo Alto Adige Trentino
- pal Sudtirôl Eurac Research, lis comunitâts comprensoriâls dal Burgraviato, de Oltradige-Bassa Atesina, dal Salto-Scillar, de Val Isarco e de Val Venosta, il Comun di Bolzan (cu la Ripartizion Servizis ae Comunitât Locâl) e la Provincie autonome di Bolzan (cu la Ripartizion Politichis sociâls e il Dipartiment Dirit al studi, culture todescje e integrazion).
- pal Tirôl ZeMIT, la universitât di Innsbruck, il Land Tirôl, il comun di Innsbruck e il Regionalmanagement Wipptal.
- pal Friûl Vignesie Julie, ARLeF.
- pal Trentin la provincie autonome di Trent (dipartiment salût e solidarietât sociâl).

La inovazion puartade di Eumint e consist intal consolidament istituzionâl de Euregio Tirolo-Alto Adige-Trentino e de Euregio Senza Confini traviers une colaborazion transfrontaliere multinivel plui strente, l'infuartiment dai procès di integrazion civiche, politiche e lavorative, de promozion di une coesion sociâl plui grande intai doi teritoris, cirint di contrastâ lis disposizions di ostilitât e xenofobie viers dai migrants.

Par dutis lis informazions si pues acedi al sît dedicât.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device