“Dulà che o jeri a stâ prime”

“Dulà che o jeri a stâ prime”, libri par fruts.

“Dulà che o jeri a stâ prime” e je la edizion par furlan, finanziade de ARLeF, dal test par fruts “Dove stavo prima”, premiât al concors internazionâl “Syria Poletti Sulle ali delle farfalle” dal 2013.
Il test al è di Sandra Fabris e al conte une storie di emigrazion e di dislidrisament di une piçule realtât rurâl dal paîs ae grande citât metropolitane americane. Dome cualchi pastel colorât, “un regâl grandonon”, al permet di resisti ae malinconie dissegnant.
Lis ilustrazions di Renata Gallio a compagnin il scrit: pituradis suntune cjarte riade che e da une sensazion di materialitât al trat, a àn colôrs neutris e cjalts che a tirin su lis tonalitâts dal sepe e sul blanc, come lis peliculis di une volte.

Il libri par fruts “Dulà che o jeri a stâ prime” al è publicât de cjase editore “L’Orto della Cultura” cul contribût de ARLeF, Agjenzie Regjonâl pe Lenghe Furlane, si pues cuistâ in dutis lis librariis dal Friûl.
Presentazions dal libri:
Lunis ai 30 di Zenâr aes 17:00 li de Librarie “La Tarantola” di Udin (Vie Vittorio Veneto, 20).
Joibe ai 30 di Març aes 15:00 li de Biblioteche Comunâl di Cjarlins (Vie Maran, 1) - Udin.


Par info: info@ortodellacultura.it
 

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device