BANT DI CONCORS "GLEMONE ÎR, VUEI E DOMAN"

Il Comun di Glemone al bandìs la XXIIIe edizion dal concors intitolât ae memorie di don Pieri Londar, par assegnâ il premi leterari in lenghe furlane “Glemone îr, vuei e doman”.

Il concors si compon di cuatri sezions:
- Ae prime sezion, vierte a ducj, si concor cuntun lavôr di narative par fruts di no plui di undis agns, sul teme indicât tal art. 1 dal bant.
- Ae seconde sezion si concor cuntun lavôr di singui o di grups che al rivuardi la didatiche dal insegnament in lenghe furlane tes scuelis de infanzie, primariis o secondariis di prin grât; si pues ancje considerâ ancje une esperience za davuelte.
- Ae tierce sezion si concor cuntun lavôr di grup davuelt dai fruts des scuelis de infanzie, primariis o secondariis di prin grât, cul jutori di un insegnant, suntun argoment di storie o di culture furlane.
- Ae cuarte sezion si concôr presentant un test teatrâl par furlan, che nol sedi mai stât rapresentât prime, secont il teme che al è indicât tal art.1 dal bant.

I scrits a varan di jessi par furlan, inte Grafie Uficiâl stabilide cul decret dal President de Zonte Regjonâl dai 25 di Otubar dal 1996. Ducj i tescj a àn di jessi inedits, mai premiâts in altris concors e presentâts scrits su cjarte o su supuart informatic tant (CD, DVD, dispositîfs USB).

I lavôrs a àn di jessi presentâts in copie ugnule, daûr des modalitâts ripuartadis tal bant, dentri di vinars ai 28 di Jugn dal 2019.
I tescj a saran valutâts di une Jurie di membris nomenâts de Zonte comunâl.
La proclamazion dai vincidôrs si fasarà inte Sale dal Consei comunâl (Palaç Boton) dal Municipi di Glemone, domenie ai 8 di Dicembar dal 2019, aes sîs sore sere.

Discjame chi il bant complet:
"Glemone îr, vuei e doman" - XXXIII edizione

Par altris informazions:
www.comune.gemona-del-friuli.ud
tel. 0432/973.23

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device