AL TORNE MAMAN!

Dopo il grant sucès des edizions stadis, di vinars ai 12 di Otubar al torne Maman!, pal divertiment dai plui piçui.
L’apontament al è dopli: la tierce stagjon de trasmission televisive dute par furlan, risultât di une coproduzion de ARLeF (Agjenzie Regjonâl pe Lenghe Furlane) e di Telefriuli, e tache vinars aes 17.45, cun replichis il miercus e la domenie.

Condutoris e coautoris de stagjon televisive a son di gnûf Daria Miani, cognossude e une vore preseade no dome dai telespetatôrs plui zovins di Maman!, e la atore Chiara Donada. Insiemi a intratignaran i fruts cun zûcs, curiositâts e contis bielonis, compagnadis des cjançons origjinâls scritis di Daria Miani e metudis in musiche di Flaviano Miani. Cun lôr a tornin ancje lis aventuris di Tui e Tuie, che a àn apassionât i piçui spetatôrs te stagjon passade. Protagoniscj dal carton animât a son doi gjatuts cetant ninins, ma un pôc pastrocjons. Si trate di une serie che è à vût cetant sucès – lade in onde in Australie e in Gnove Zelande su Disney Channel – che e je stade dopleade di pueste par furlan.
La regjie de trasmission televisive e je di Tommaso Ravo, e il coordenament gjenerâl di Vittorio Vella.
 
Invezit, il secont apontament al è, simpri ducj i vinars, cu la pagjine Maman! sul setemanâl Il Friuli. Daspò de polse estive, la edizion su cjarte di Maman! – nassude in colaborazion cu la ARLeF tal mês di Zenâr stât e ancje chê dute in lenghe furlane - e torne cuntune grafiche gnove e plasevule, siore di zûcs, curiositâts, filastrocjis, sugjeriments pe leture e, sigûr, ancje cu lis gnovis aventuris di Vigji, il gjat che in dutis lis trasmissions tv i ten compagnie a Daria Miani.
 
Midiant dal divertiment, de narazion e dal zûc, l’obietîf comun des dôs “musis” di Maman! al è chel di meti in contat i fruts cul plurilinguisim e i siei vantaçs cognitîfs comprovâts che a vegnin dal doprâ plui lenghis in de etât plui tenare.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device