ID-Coop - Newsletter

La ARLeF - Agjenzie regjonâl pe lenghe furlane e je daûr a lavorâ dutun cu la Academie Europeanedi Bolzan (EURAC) su un progjet INTERREG IV Italie - Austrie che al à tant che obietîf chel di promovi la nassite o la incressite di cooperativis tai teritoris dulà che a son minorancis linguistichis.
"Identità e cooperativismo in territori di insediamento di minoranze storico-linguistiche" - chest il non dal progjet - al à chê di verificâ se lisminorancis a puedindoprâ il spirt di cooperaziontant che risorse sedi economiche sedi culturâl, cjapant ispirazion di gnovis formis di imprese sociâl di sucès.
Austrie e Italie, di fat, non spartissin dome une frontiere tal arcalpin, ma ancje la presince di minorancis che a puedindoprâ il confintant che oportunitât di inricjiment e disvilup.
Il progjet, inviât tal Otubar 2012 - tal An internazionâl des cooperativis (NazionsUnidis 2012) - e che si concludarà tal Març 2015, si davuelç tes provinciis di Belun, Bolzan, Udin e Gurize par chel che al rivuarde la Italie e tai distrets di Villach, Klagenfurt e Völkermarkt par chel che al inten la Austrie: al è un teritori dulà che a vivin plui o mancul 800 mil personis di minorance furlane, slovene, ladine, ven a stâi il 50 par cent su une popolazion totâl di 1,5 milions. In particolâr, te aree cjapade in considerazion dal ID-Coop, a son 80 mil i ladins, 700 mil i furlans, 79 mil i slovens.
Il cjâf di grup EURAC al lavore dutun cun cuatri ents principâi: doi a rapresentin il Friûl Vignesie Julie, ven a stâi la ARLeF e il Comun di Monfalcon, e i altris doi a son la SGZ, Union economiche slovene de Carinzie e la Provincie di Belun.
E je la prime volte che la ARLeF e partecipe a un progjet european di cheste complessitât. La Agjenzie, daspò di jessi stade impegnade a comunicâ al EURAC i dâts su teritori, politiche, struture juridic-istituzionâl e su aspiets sociolinguistics dai Comuns de provincie di Udin cun presince des minorancis furlane e slovene, cumò e dâ une man al cjâf di grup te fase di racuelte des rispuestis dal cuistionari che al è stât inviât a 135 aministrazions comunâls.

Par vê plui informazions discjamait la newsletter.



Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device