99 Domande. Diversitât linguistiche & dirits linguistics

Presentazion di 99 domande. Diversitât linguistiche & dirits linguistics, la publicazion sostignude dal Consei Regjonâl  e de ARLeF.

“99 Domandis - Diversitât linguistiche & dirits linguistics” al è un strument divulgatîf e didatic bilengâl - furlan e talian - che al conte ce che e je la diversitât linguistiche e parcè che al vâl la pene difindile.
Realizât par cure di Giovanni Agresti de Associazion Lem-Italia te version taliane/francese, al è un impuartant strument di informazion e di cognossince che al dopre il plasê dal zûc par slargjâ la capacitât di imparâ e di tignî iniment i concets.
Cun cheste gnove scjate/zûc di 99 cjartis/domandis e ancje tantis rispuestis, la ARLeF e colabore pe seconde volte cu la Cooperativa Futura di San Vît dal Tiliment dopo il sucès di "99peraulis Fevelâ cul mont_Talking to the world" di Silvana Schiavi Fachin.

Sostignude dal Consei Regjonâl dal Friûl - Vignesie Julie e de ARLeF, la publicazion e sarà presentade Vinars ai 25 di Març aes 5 sore sere li de Sale Pasolini, in te sede de Regjon FVJ, in vie Sabbadini 31 a Udin.
A saran presints:
Franco Iacop
president dal Consei Regjonâl F.V.J.
Lorenzo Fabbro president de Agjenzie Regjonâl pe Lenghe Furlane
Patrizia Geremia art director Futura Coop Sociale Onlus
Al coordenarà:
William Cisilino diretôr de Arlef.

A ducj i presints e sarà dade fûr une copie de publicazion.

Zire il to dispositîf

Ruota il tuo dispositivo

Rotate your device

Cheste pagjine no si pues viodi cun chest dispositîf

Pagina non disponibile per questo dispositivo

This page is not available on this device