Furlan
Italiano
Presentazion de publicazion "La Comugne"
Si davuelzarà lunis ai 8 di Fevrâr aes 11.30 li de sede de ARLeF in Place XX di Setembar, 23 a Udin, la presentazion de riviste “La Comugne”.
Al incuintri a saran presints Lorenzo Zanon, President de ARLeF, Alessandra Kersevan, responsabile de Cjase Editore KV, Paolo Cantarutti, curadôr de opare e Massimo Duca, diretôr de ARLeF, che al moderarà l’incuintri.
La Comugne e je une riviste leterarie editade de Cjase Editore KV ; e propon une leterature sperimentâl no dome tradizionâl, che e ufrìs formis espressivis inovativis e contemporaniis, cuntune atenzion particolâr indreçade ancje al mont dai zovins.
Publicazions di chest gjenar a incressin il status de lenghe, slargjant la visibilitât e aumentant la sô difusion e utilizazion.
“La ARLeF – e comente il diretôr Massimo Duca – e pense che invistint in chest gjenar di progjets si pues ancjemò une volte dimostrâ cemût che lis publicazions in lenghe furlane a vegnin dopradis di un public simpri plui larc fat, robe ancjemò plui impuartante, ancje di zovins, marcant ancjemò une volte il messaç impuartant sul significât di jessi part di une comunitât e tal stes timp dal mont globâl.”
