Furlan
Italiano
Presentazion AGHE SUTE, AGHE BAGNADE a Tumieç
Vinars ai 12 di Març si presente a Tumieç la publicazion, risultât di un progjet European pe tutele des lenghis minoritariis.
La ARLeF – Agjenzie Regjonâl pe Lenghe Furlane, tant che promotôr e sostenidôr di iniziativis peadis ae produzion di materiâl didatic in lenghe furlane te suaze di une educazion plurilengâl, e à poiât la publicazion di “Aghe sute, aghe bagnade”. Si trate di une ilustrazion dal progjet european di ricercje indreçât al sostegn e al disvilup de scriture creative e colaborative in lenghe minoritarie, che al à cjapât dentri i arlêfs de scuele elementâr di Bordan, i arlêfs di une scuele di Dublin, di une scuele de Isule di Lewis e di une scuele galese di Carmarthenshire. “Aghe sute, aghe bagnade” si presente duncje tant che imprest valit par favorî la ativitât didatiche a supuart dai insegnants che a lavorin tal setôr e che a metin dongje progjets in lenghe minoritarie.
Dopo de presentazion uficiâl fate a Udin sul finî dal an passât, a son in program svariadis presentazions tal teritori des trê provinciis di Gurize, Pordenon e Udin, indreçadis in particolâr ai insegnants e a ducj chei che a son interessâts. Une di chestis e je previodude in colaborazion cul Comun di Tumieç e la Comunitât Montane de Cjargne, par
vinars ai 12 di Març dal 2010 aes 17.30
li de Sale de Comunitât Montane de Cjargne
in vie Carnia Libera 1944, 29 a Tumieç.
