Furlan
Italiano
Firmât l’acuardi ARLeF – Udinese Calcio par promovi la lenghe furlane
Di îr, martars ai 10 di Novembar, ancje la Udinese Calcio e fevelarà par furlan.
Al è stât firmât un acuardi di colaborazion jenfri la societât di balon e la ARLeF (Agjenzie Regjonâl pe Lenghe Furlane) par promovi, tutelâ e valorizâ la lenghe e la culture furlanis ancje tal setôr dal balon.
Di vuê ancje il furlan al zuiarà il so rûl di ponte tal mont dal sport: scritis e coments voltâts te lenghe furlane tant che i contignûts dal sît, iniziativis speciâls pai cetancj coregjonâi tal forest.
“Acuardi impuartant e prestigjôs – al à declarât il president de ARLeF Lorenzo Zanon – parcè che al judarà a fâ cognossi la nestre lenghe ancje fûr dai confins, stant che l’Udin al è une scuadre di serie A impegnade in campionâts e competizions a livel internazionâl”.
La convenzion fate e previôt, jenfri altris robis, che il sît uficiâl dal Udin al sedi ancje par furlan, sore che par inglês e spagnûl, e che sedi inviât un canâl privilegjât pal rapuart cui “Fogolârs Furlans”, par podê rivâ cussì ai cetancj furlans e tifôs residents tal forest.
Une colaborazion duncje di dut rispiet, pe Patrie, pai valôrs e pe culture dal nestri teritori, che e segne un gnûf pas tal percors di difese de lenghe furlane.
