Furlan
Italiano
Campagne radiofoniche indreçade ai zovins
La ARLeF e cjape sù e e esamine progjets di promozion de lenghe furlane midiant dal mieç radiofonic
Si fâs savê che la ARLeF/Agjenzie regjonâl pe lenghe furlane e promôf une campagne radiofoniche indreçade ai zovins e par chest e cjape sù e e esamine progjets di promozion de lenghe furlane midiant dal mieç radiofonic par po dopo stipulâ une convenzion di pueste.
I progjets a varan di vê chestis carateristichis:
a) jessi caraterizâts dal ûs dal furlan tant che lenghe contemporanie;
b) tignî cont di une strategjie di penetrazion juste par un target di etât zovine, promovint i aspiets peâts ai lôr interès specifics e al timp libar (musiche, cine, sport, vite sociâl, gnovis tecnologjiis, e v.i. …);
c) jessi in stât di cirî di cjapâ dentri i destinataris in maniere direte, cu la prevision di formis di interativitât;
d) cuvierzi une fasse di utence le plui largje pussibile e che al cjapi dentri lis Provinciis di Udin, Gurize e Pordenon.
e) jessi trasmetûts te fasse orarie di plui scolte.
Dutis lis variis fasis dai progjets proponûts a varan di jessi fatis in lenghe furlane..
I progjets a puedin proviodi ancje la interazion jenfri la lenghe furlane e chês altris lenghis des minorancis linguistichis storichis dal Friûl Vignesie Julie (sloven e todesc) e/o jenfri la lenghe furlane e une o plui lenghis plui pandudis in Europe e tal mont (par esempli: l’inglês, il francês,…).
La cuote proviodude par chest progjet e je di 25.000,00 euros (euros vincjecinc mil/00) onicomprensive.
I sogjets interessâts a varan di presentâ:
- la descrizion dal progjet, des modalitâts di realizazion dal stes e dai risultâts e dai obietîfs che si vûl rivâ a vê;
- i curricula dai sogjets interessâts e dai operadôrs impegnâts te realizazion dal progjet di campagne promozionâl;
- il preventîf di spese fat tal detai
Si invide a fâ rivâ lis propuestis di progjet li de ARLeF - Agjenzie regjonâl pe lenghe furlane, place ai XX di Setembar n. 23, 33100, Udin, dentri dal 30 di Avrîl dal 2010.
Il Diretôr de ARLeF
(dot. Massimo Duca)
