Furlan
Italiano
ARLeF e COMUN di GURIZE si INCUINTRIN
ARLeF e Comun di Gurize si incuintrin par promovi la lenghe furlane ancje tal Comun dal Friûl a soreli jevât
Lorenzo Zanon, president de ARLeF, e Stefano Ceretta, assessôr pe tutele des identitâts locâls dal Comun di Gurize, si sono cjatâts te sede de ARLeF a Udin par valutâ insiemi la pussibilitât di meti in vore azions comuns par valorizâ e tutelâ la lenghe furlane tal Comun di Gurize, dulà che e je presinte di simpri, soredut te frazion di Lucinins.
“In Setembar si cjatarìn une altre volte – al declare il president de ARLeF Zanon – par inmaneâ un plan di azion pe promozion dal furlan in colaborazion cul Comun di Gurize”.
“Cheste colaborazion e mostre che la ARLeF e à une atenzion particolâr ancje pes comunitâts che a fevelin par furlan tes zonis dal Friûl orientâl e ocidentâl – a declarin sedi Zanon che Ceretta – cul fin di tutelâ chê che e je ad in plen une ricjece culturâl e ancje un valôr identitari impuartant de nestre regjon, peculiaritâts che a àn di sei lis fondis, intun moment di crisi tant che chest, par tornâ vê sperance tal doman”.
